Posted: 08/24/2012 01:23 PM IST

సినిమా ఇండస్ట్రీలో హీరోయిన్లకు వివాహాం అయితే ఆమె సినిమా కెరీర్ కి శుభం కార్డు పడ్డట్లే అని అనుకుంటాం. పెళ్ళి తరువాత సినిమాలకు స్వస్తి చెప్పి భర్తతో చక్కగా ఎంజాయ్ చేస్తుంటారు. పెళ్ళి అయిన తరువాత హీరోయిన్ గా అవకాశాలు కూడా తక్కువగా వస్తాయి. ఒకవేళ వచ్చినా సెకండ్ హీరోయిన్ గా వస్తాయి. కానీ కొందరికి మాత్రం అవకాశాలు వెల్లువలా వచ్చి పడుతుంటాయి. తెలుగు, తమిళ, మళయాళ భాషల్లో హీరోయిన్, సింగర్ పేరుతెచ్చుకున్న మమతా మోహన్ దాస్ కి పెళ్ల తరువాత కూడా ఆఫర్లు భారీగానే వస్తున్నాయి. ఇటీవలే 'మై బాస్' అనే మలయాళ చిత్రంలో నటించిన మమతా, తాజాగా మరో చిత్రాన్ని కమిట్ అయింది. ప్రముఖ ఫిలిం మేకర్ జె.సి.డానియల్ జీవితం ఆధారంగా రూపొందే 'సెల్యులాయిడ్' అనే సినిమాలో కథానాయికగా ఆమె ఎంపికైంది. డానియల్ భార్య జానెట్ పాత్రను మమతా పోషిస్తుంది. 

మరి పెళ్ళైయిన తరువాత అవకాశాలు రావంటుంటారు... మరి మీకు ఎలా వస్తున్నాయి అని అడిగితే... నా అవకాశాలకు నా పెళ్ళి అడ్డు కాలేదు. పెళ్ళయినా నాలో నటించాలనే కోరిక చావలేదు. దానికి తోడు నాలో అందం ఏమాత్రం చెక్కు చెదరలేదు.. అందుకే అవకాశాలు వస్తున్నాయి. దానికి మా ఆయన కూడా అభ్యంతరం చెప్పకపోవడం కూడా కలిసి వచ్చింది. అందుకే అవకాశాలు భారీగా వస్తున్నాయని అంటుంది.