Posted: 11/30/2011 01:26 PM IST

మోడలింగ్ రంగం నుంచి సినీరంగంలోకి ప్రవేశించిన కత్రినా కైఫ్ కి అన్నీ గ్లామర్ ప్రాధాన్యతా పాత్రలే వస్తున్నాయిట. 2003 లో విడుదలైన ‘బూమ్’ చిత్రంతో బాలీవుడ్ కి పరిచయమైనా కత్రినా ఇప్పటివరకు దాదాపు 25 చిత్రాల్లో నటించింది. అందులో రెండు తెలుగు చిత్రాలు, ఒక మలయాళం చిత్రం కూడా వున్నాయి.

ఇప్పటిదాకా చాలా గ్లామరస్ పాత్రల్లో నటించి బోర్ కొట్టేసిందని ఇకపై నటనకు ప్రాధాన్యం వున్న కథలతో రావాలని తన దగ్గరకు వస్తున్న దర్శకులకు కత్రినా సూచిస్తోందట. కేవలం ‘గ్లామర్ డాళ్’ బిరుదు తనకొద్దని, గ్లామర్ తో పాటు నటనకు ఆస్కారమున్న చిత్రాల్లో నటించి శ్రీదేవి, మధురి దీక్షిత్ వంటి వారి సరసన తన పేరు చూసుకోవాలని కత్రినా ఆసపడుతోంది.

సినీ పరిశ్రమకు పరిచయమై నటించిన ఈ ఎనిమిదేళ్ళలో అతి కొద్ది చిత్రాల్లో మాత్రమే తనకు నటనకు ఆస్కారమున్న పాత్రలు లభించాయని కత్రినా అంటుంది. కత్రినా నటించిన చిత్రాల్లో అజబ్ ప్రేమ్ కీ ఘజబ్ కహానీ, రాజ్ నీతి, మేరి బ్రదర్ కి దుల్హన్ వంటి అతి కొద్ది చిత్రాల్లో మాత్రమే ఆమె నటనకు ప్రాధాన్యమున్న చిత్రాలు. చూద్దాం ఇక ముందు కత్రినాకు ఎలాంటి పత్రాలు వస్తాయో.