సమ్ థింగ్ సమ్ థింగ్ ప్రివ్యూ

Posted: 06/14/2013 10:42 AM IST

సినిమా    : సమ్ థింగ్ సమ్ థింగ్

నటీనటలు : సిద్దార్ధ, హన్సిక, బ్రహ్మానందం,సుధ, వేణుమాధవ్‌,
              గౌతంరాజు, గణేష్‌ వెంకటరామన్‌ తదితరులు

బ్యానర్    : శ్రీ లక్ష్మీగణపతి పిక్చర్స్

ఛాయాగ్రహణం : గోపీ అమర్‌నాథ్‌,

సంగీతం   :  సత్య, పాటలు: వనమాలి.

కళ        : గురురాజ్‌,

రచన      : వెలిగొండ శ్రీనివాస్‌.

నిర్మాతలు : బి.సుబ్రహ్మణ్యం, ఎన్.సురేష్‌

వరుస పరాజయాలతో ప్రేక్షకులకు తన సినిమాలతో విసుగుతెప్పిస్తున్న హీరో సిద్ధార్థ అవన్నీ ఏమీ పట్టించుకోకుండా  తన పని తాను కామ్ గా చేసుకుంటూ పోతున్నాడు. తాజాగా ఇతడు ప్రముఖ నటి భర్త, దర్శకుడు అయిన సుందర్.సి దర్శకత్వంలో ‘సమ్ థింగ్ సమ్ థింగ్ ’ అనే సినిమాలో నటించాడు. ‘ఓ మై ఫ్రెండ్ ’ చిత్రం తరువాత హన్సికతో ఈ చిత్రంలో జతకట్టాడు. నేడు ఈ సినిమా ప్రేక్షకుల ముందుకు రాబోతుంది. సిద్ధార్థకు తెలుగు తమిళ భాషల్లో మార్కెట్ ఉండటంతో రెండు భాషల్లో విడుదల కాబోతున్న ఈ చిత్రం ప్రేక్షకులను ఏ మాత్రం అలరిస్తుందో చూడాలి. ఈ సినిమా రివ్యూను త్వరలో అందిస్తాం.

కథ : ఈ చిత్రంలో సిద్ధార్థ సాఫ్ట్‌వేర్ ఉద్యోగి . అమ్మాయిలతో మాట్లాడటానికి కూడా భయపడే కుర్రాడు. అతన్ని ఓ లవ్‌ గురు లవర్‌బాయ్‌గా మారుస్తాడు. ఆ ఉత్సాహంతో ఓ సందర్భంలో ఓ అమ్మాయికి ప్రపోజ్ చేస్తాడు. ఆ అమ్మాయి అతని వైపు తిరిగి చూస్తుంది. అప్పుటి వరకూ ‘ఓకే'. మళ్లీ రెండోసారి సిద్దార్ద వైపు తిరిగి చూడాల్సిన అవసరం ఆ అమ్మాయికి వస్తుంది. తర్వాత ఏం జరిగింది? అనేది ఈ సినిమా. ఈ సినిమా ప్రధానంగా మూడు పాత్రల మధ్య జరుగుతుంది. సిద్దార్ధకు ప్రేమ పాఠాలు చెప్పే లవ్‌గురు పాత్రను బ్రహ్మానందం చేశారు. యువతుల మనస్తత్వం ఏమిటి, వారితో ఎలా మాట్లాడాలి లాంటి విషయాలు ఆయన సిద్దార్ధ బోధిస్తారు.