రామయ్యా వస్తావయ్యా సినిమా లీక్?

Posted: 09/26/2013 03:34 PM IST

ఇప్పుడు టాలీవుడ్ ను ఫైరసీ క్యాన్సర్ పట్టిపీడిస్తుంది. పవర్ స్టార్ పవర్ కళ్యాణ్ నటించిన చిత్రం ‘‘అత్తారింటికి దారేది’’ లీక్ అయిన విషయం తెలిసింది. 90 నిమిషాల సినిమాను పైరసీ భూతం కాటేసింది. అయితే అది ఇంటి దొంగల పనేఅని తేలిపోయింది. ఈ లీక్ వెనుక బడా వ్యక్తుల హస్తం ఉందని టాలీవుడ్ పెద్దలు అంటున్నారు. అయితే లేటేస్ట్ గా మరో విషయం బయటపడిందని ఫిలింనగర్ వాసులు అంటున్నారు. గత శనివారం ఆడియో ఫంక్షన్ విజయవంతంగా జరుపుకొని , విడుదలకు సిద్దంగా ఉన్న ‘‘రామయ్యా వస్తావయ్యా ’’ సినిమా లీక్ అయినట్లు టాలీవుడ్ లో పుకార్లు షికార్లు చేస్తున్నాయి. ప్రముఖ దర్శకుడు హరీష్ శంకర్, యంగ్ టైగర్ ఎన్టీఆర్ నటించి సినిమా రామయ్యా వస్తావయ్యా పై నిర్మాత దిల్ రాజ్ ఎన్నో ఆశలో పెట్టుకున్నారు. అయితే అత్తారింటికి దారేది లీక్ అయిన వెంటనే ఎన్టీఆర్ సినిమాను ఎవరో లీక్ చేసినట్లు పుకార్లు వినిపిస్తున్నాయి. అయితే ఈ విషయం తెలుసుకున్న దిల్ రాజ్ , ఎన్టీఆర్ , హరిశ్ శంకర్లు ఆందోళన చెందుతున్నట్లు టాలీవుడ్ పెద్దలు అంటున్నారు. ఎన్టీఆర్ సినిమా మొత్తం బయట మార్కెట్లు దొరుకుతుందని, రామయ్యా వస్తావయ్యా సినిమా పాటలతో పాటు.. సినిమా సీడీ ను కూడా బయట మార్కెట్లో అమ్ముతున్నట్లు ఎన్టీఆర్ అభిమానులు అంటున్నారు. కొంతమంది మాత్రం ఎన్టీఆర్ సినిమా లీక్ అయ్యే ఛాన్సే లేదని గట్టిగా చెబుతున్నారు. ఒకవేళ లీక్ అయితే రామయ్యా వస్తావయ్యా సినిమా కథ లీక్ అయి ఉంటుందని టాలీవుడ్ లోని సినీ పెద్దలు అంటున్నారు. ఈ విషయం తెలుసుకున్న ఎన్టీఆర్ అభిమానులు ఆందోళన చెందుతున్నట్లు ఫిలింనగర్ వాసులు గుసగుసలాడుకుంటున్నారు. అసలు విషయం పూర్తిగా తెలియలంటే.. కొద్ది గంటలు ఎదురుచూడాల్సిందేనని టాలీవుడ్ నిర్మాతల మండలి అంటుందని.. సినీజనాలు అంటున్నారు.