భక్తిలోనూ రక్తిని వెతుకున్న రామ్ గోపాల్ వర్మ

Posted: 09/18/2013 04:22 PM IST

సంచలన దర్శకుడు రామ్ గోపాల్ వర్మ ఏం చేసినా అది సంచలనమే. తన మాటల్లోనూ, తన చేతల్లోనూ ప్రత్యేకతను చూపే వర్మ, ఇటీవల టాలీవుడ్ దర్శకుడు మధుర శ్రీధర్ కి ఫోన్ చేశారు. అయితే కాలర్ ట్యూన్ గా వర్మకి ‘ఓం సాయి.. ఓం నమ సాయి.. ఓం నమో నమో సాయి.. నీ పేరు తలచిన చాలు.. నా మనసు పరవశించు.. నీ రూప దర్శనంతో నా జన్మే తరియించు..’ అనే పాట వినిపించింది. ఆ తర్వాత కాల్ లిఫ్ట్ చేసిన మధుర శ్రీధర్తో మాట్లాడుతూ, ఆ పాట ఏ సినిమాలోదని వర్మ అడిగితే, అది సినిమా పాట కాదు, మధుర ఆడియో రిలీజ్ చేసిన సాయిబాబా పాటల ఆల్బమ్ లోదని సమాధానమివ్వటం జరిగింది. వెంటన వర్మ ఈ పాట చాలా బాగుందనీ, అయితే ఆ పాటలోని ‘సాయి’ అన్న పేరుని తొలగించి, వేరేలా రాస్తే రొమాంటిక్ సాంగ్ అవుతుందని వర్మ చెప్పటం జరిగింది. భక్తిలోనూ రక్తిని చూడటమంటే ఇదే. ‘నీ పేరు తలచిన చాలు నా మనసు పరవశించు.. నీ రూప దర్శనంతో నా జన్మే తరియించు’ అన్న లైన్స్ వర్మకి బాగా నచ్చాయి. ‘సాయి’ అన్న పేరు పక్కన పెడితే, ప్రేయసీ ప్రేమికులు పాడుకున్నట్లే ఉంటుందని వర్మ వర్గం చెప్పినట్లు సమాచారం