హాల్ జగన్ అంటూ.. విజయమ్మ ఫోన్ .. టీడిపి ఫైర్

Posted: 08/20/2013 10:34 AM IST

రాష్ట్రం సమైక్యంగా ఉండాలంటూ.. గుంటూరులో దీక్ష చేపట్టిన వైఎస్ విజయమ్మ విషయం తెలిసిందే. అయితే ఈ సందర్భంలో వైఎస్ విజయమ్మ చేసిన 'ఫోన్' వ్యాఖ్యలు తీవ్ర సంచలనం సృష్టిస్తున్నాయి. విజయమ్మ చేసిన వ్యాఖ్యలపట్ల టిడిపి విమర్శనస్త్రాలు సంధిస్తున్నారు. జైల్లో ఉన్న జగన్‌తో ఫోన్ లో ఎలా మాట్లాడతారని టిడిపి నేతలు సూటిగా ప్రశ్నిస్తున్నారు. వైఎస్ విజయమ్మ ప్రజలనుద్ధేశించి ప్రసంగించారు. 'ప్రజల ప్రేమ, అభిమానాన్ని జగన్‌కు ఫోన్‌ చేసి చెబుతానని' పేర్కొన్నారు. అయితే వైఎస్ విజయమ్మమాటలను టీడీపీ తనకు అనుకూలంగా మలుచుకుంది. అసలు జైల్లో ఉన్న జగన్ తో ఆమె ఫోన్‌లో ఎలా మాట్లాడతారని నేతలు విజయమ్మని టిడిపి ప్రశ్నిస్తున్నారు. ప్రభుత్వం జగన్‌తో కుమ్మక్కైందని అనడానికి ఈ వ్యాఖ్యలే నిదర్శనమని, జగన్‌ జైల్లో సకలభోగాలు అనుభవిస్తున్నారని తాము గతంలో నుండి పేర్కొంటూ వస్తున్నామని గుర్తు చేస్తున్నమని టిడిపి నాయకులు అంటున్నారు. ప్రభుత్వ అండదండలతోఇష్టారాజ్యంగా ములాఖత్‌లు కల్పిస్తున్నారని, అంతేకాకుండా నిబంధనలకు వ్యతిరేకంగా సెల్‌ఫోన్‌, ల్యాప్‌ట్యాప్‌లను జగన్ జైల్లో వాడుతున్నారని టిడిపి నాయకులు ఆరోపిస్తున్నారు. కాంగ్రెస్‌, వైఎస్‌ఆర్‌ కాంగ్రెస్ పార్టీలు కుమ్మక్కు కావడంవల్లే జగన్‌ జైలు నుంచే తెరవెనుక రాజకీయాలను నడిపిస్తున్నాడని టిడిపి నేతలు ఆరోపిస్తున్నారు. అయితే వైఎస్ విజయమ్మ జగన్ తో ఫోన్లో మాట్లాడినట్లు ఆధారాలు బయటపెడతామని టీడీపీ నాయకులు అంటున్నారు. అయితే తల్లి కొడుకు ఫోన్లో మాట్లాడుకుంటే తప్పేంటి అని వైసీపీ నాయకులు టిడిపి నాయకులపై మండిపడుతున్నారు. ఇటీవల కాలంలో.. జైల్లో కూడా ఫోన్ సౌకర్యం పెట్టిన విషయం టిడిపి నాయకులకు తెలియదా అని వైసీపీ నాయకులు హేళనగా మాట్లాడారు.