కాజల్ కి అవకాశాలు ఇవ్వరట

Posted: 08/16/2013 01:03 PM IST

హీరోయిన్ గా కెరియర్ ప్రారంభించిన రెండు సినిమాల చేసిన ‘మగధీర ’ సినిమాతో  రాత్రికి రాత్రే స్టార్ హీరోయిన్ అయిపోయిన కాజల్ అగర్వాల్ ఆ తరువాత టాప్ రేంజ్ లో దూసుకుపోవడమే కాకుండా టాలీవుడ్ స్టార్ హీరోల సరసన నటించి దండిగా డబ్బులు వెనకేసుకున్న అమ్మడు ఇఫ్పుడు తనకు లైఫ్ ఇచ్చిన టాలీవుడ్ ఇండస్ట్రీని వదిలి బాలీవుడ్ , కోలీవుడ్ పై కన్నేసి కనీసం ఇటువైపు కూడా చూడటం లేదు. అదేంటి అని అడిగితే.... టాలీవుడ్ లో అడిగినంత ఇవ్వడం లేదు... అక్కడ అయితే ఎంత అడిగితే అంత ఇస్తున్నారని చెబుతుంది. కాసులకు కక్కుర్తి పడి తమిళంలో తనకన్న జూనియర్ అయిన ఉదయనిధి స్టాలిన్ తో చేయడానికి కూడా సిద్ధమైంది కాజల్. టాలీవుడ్ దర్శక, నిర్మాతలు ఎవరైనా సినిమా చేయమని అడిగితే రేటు విషయంలో కొండెక్కి కూర్చుని ససేమిరా తగ్గనంటుందట. ఇటీవల పవన్, రామ్ చరణ్, బాలక్రిష్ణ, నాగ చైతన్య లాంటి స్టార్ల సినిమాల్లో ఆఫర్లు వచ్చినా నిర్మొహమాటంగా తిరస్కిరించిందట. దీంతో కాజల్ ని టాలీవుడ్ నుండి తరిమేయాలని, ఎవరూ అవకాశం ఇవ్వద్దని నిర్ణయించుకున్నారని ఫిలింనగర్ టాక్.