Posted: 03/07/2013 05:00 PM IST

అందరు సినీమా హీరోల వద్ద ఆటోగ్రాఫ్ లు తీసుకోవటం  మనకు తెలుసు. అయితే  సినీమా హీరోలు ఎవరి దగ్గర ఆటోగ్రాఫ్ లు తీసుకుంటారు అనే ఆలోచన వస్తే ఎలా ఉంటుందో  ఊహించుకోండి.  రీసెంట్ అలాంటి సంఘటన  మన హైదరాబాద్ లోనే జరిగింది.  టాలీవుడ్ హీరోలు  ఒక ప్రపంచ స్టార్   సంతాకం కోసం చాలా కష్టపడినట్లు తెలుస్తోంది. హైదరాబాద్ లో జరిగిన  ఇండియా వార్సెస్  ఆస్ట్రేలియా క్రికెట్  రెండో టెస్టు మ్యాచ్ లు ఉప్పల్  స్టేడియాలో  జరిగిన విషయం తెలిసిందే. అయితే  ఇటీవల సినీ హీరోలు కూడా  సిసిఎల్ పేరుతో  క్రికెట్ బ్యాట్ పట్టి, మీడియాకు సందడి చేస్తున్న విషయం తెలిసిందే. అయితే ఈ హీరోలు  క్రికెట్ మీద ఆసక్తితో ఆడుతున్నారో, లేక  యాడ్స్ కోసం ఆడుతున్నారో .. వారికే తెలియాలి.  కానీ ఇండియా జట్టు మాత్రం దేశం కోసం ఆడుతుంది కాబట్టి ఇండియన్ క్రికెటర్స్ నిత్యం హీరోలుగానే ఉంటారు.  అయితే క్రికెట్ లో  ప్రపంచ వీరుడు  మాష్టర్ సచిన్ టెండూల్కర్ లాంటి వారి సంతకం కోసం  క్రికెట్ అభిమానులు వెంటబడతారు. కానీ  టాలీవుడ్ హీరోలు కూడా సచిన్ సంతకం కోసం ఉప్పల్ స్టేడియాలో  కష్టపడినట్లు తెలుస్తోంది.  నగరంలోకి గ్రాండ్ కాకతీయ హోటల్  లో సచిన్ ని కలిసి సెలబ్రిటి క్రికెట్ లీగ్ ( సీసీఎల్) టీమ్  కొంచెం సందండి చేసింది.  

సచిన్  టాలీవుడ్ హీరోల జట్టుకు  శుభకాంక్షలు  చెప్పటం జరిగింది. ఒక్కసారి  క్రికెట్ స్టార్ తో మాట మంతి అనగానే  మన టాలీవుడ్ హీరోలు పొంగిపోయారు. వచ్చిన అవకాశాన్ని  సద్వినియోగం చేసుకోవాలి అనేది విధంగా హీరోలు రెఢీ అయ్యారట. సచిన్ ఆటోగ్రాఫ్ కోసం  టాలీవుడ్ హీరోలు ఎగబడినట్లు మీడియా వర్గాలు అంటున్నాయి. తరుణ్ , చరణ్ తేజ్ , శ్రీకాంత్ , రఘు, నిఖిల్,  తదితరులు తమ టీ షర్ట్ లపై ఆటో గ్రాఫ్ కావలని సచిన్ వెంటబడినట్లు తెలుస్తోంది.  సచిన్ టాలీవుడ్ హీరోల అభిమానం చూసి .. నవ్వుతూ టీ షర్ట్ ల మీద సంతకం చేయటంతో  హీరోలు ఆనందంగా వాటిని తీసుకోని ఫిలింనగర్ వైపు వెళ్లినట్లు సమాచారం.  అక్కడే ఉన్న చాముండేశ్వరీ నాథ్ మాత్రం మన హీరోలు చేసిన రచ్చ పనికి  సచిన్ ముందు సిగ్గుతో  తలదించుకున్నట్లు మీడియా వర్గాలు అంటున్నాయి.