Posted: 12/14/2012 10:34 AM IST

సాధారణంగా హీరోయిన్ సినీ జీవిత కాలం ఏంతో తక్కువ అని, మహా అయితే ఒక 5 ఏళ్ళు టాప్ హీరోయిన్ గా సినీ రంగం లో ఒక వెలుగు వెలిగితే అదే పదివేలు అని మన అందరి నమ్మకం... ఈ నమ్మకం లో ఎక్కువ శాతం నిజం ఉన్నా, కొంత మంది హీరోయిన్ల అదృష్టమో, వీరంటే అభిమానులకు తరగని ప్రేమో, లేక వీరు ఏర్పరచుకున్న డిమాండ్ వల్లనో, ఎన్ని సంవత్సరాలయినా ఈ హీరోయిన్లు అగ్ర స్తానాన్ని అధిరోహిస్తూ, కొత్త హీరోయిన్లకు సైతం గట్టి పోటీని ఇస్తున్నారు. ఈ కోవకే చెందుతుంది, కేరళ భామ నయనతార...చార్టెడ్ ఆకవుంటెంట్ అవ్వబోయి హీరోయిన్ అయిన నయన్, నటిగా తన తోలి రోజుల్లోనే, మమ్మూటీ, సూపర్ స్టార్ రజనికాంత్ సరసన నటించి, తిరుగులేని గుర్తింపుని సంపాదించుకుంది.

తెలుగు, తమిళ్, కన్నడ, మళియాళ భాషల్లో అగ్ర హీరోయిన్ గా గుర్తింపు సంపాదించుకుంది. ఎన్నో విజయవంతమైన సినిమాలు చేసింది... దీనితో పాటు, తమిళ హీరో సింభు తో ప్రేమాయణం, నయన్ - సింభుల బహిరంగ రోమ్యాన్స్, వెను వెంటనే వీరి ప్రేమాయణం బెదసికోట్టడం, ఆ తరువాత, నయన్ ప్రభు దేవా పంచన చేరడం, 'శ్రీ రామ దాసు' చిత్రం తరువాత నయన్ నటనకు గుడ్ బయ్ చెప్పడం, పెళ్లి దాక వెళ్ళిన నయన్ - ప్రభుల ప్రేమాయణం, ఎవ్వరూ ఊహించని విధంగా బెదసికోట్టడం... ఇవన్నీ, ఒకదాని తరువాత ఒకటి, చక చకా జరిగిపోయాయి... అయితే, హీరోయిన్ గా సెకెండ్ ఇన్నింగ్స్ ని మొదలుపెట్టిన నయన్ కు మాత్రం, సినీ పరిశ్రమ నిరాశ చూపలేదు. తెలుగు, తమిళ్ భాషల్లో కూడా, అటు సీనియర్ స్టార్ హీరోలతో, ఇటు కుర్ర హీరోలతో నటించే ఛాన్స్ కొట్టేసింది...

ఈ మధ్యనే విడుదల అయిన, 'కృష్ణం వందే జగద్గురుం' లో నయన్ తన నటనకు మంచి మార్కులు తెచ్చుకుంది... నాగార్జున తో, గోపి చంద్ తో సినిమాలు చేస్తోంది... ఇంతే కాక, నయన్ మళ్ళీ తన పాత ప్రేమికుడు సింభు పంచన చేరిందని, ఇందుకు నిదర్సనం, నయన్ సింభు తదుపరి చిత్రంలో ఒక ఐటెం సాంగ్ చేసేందుకు అంగీకరించడమే అని, సినీ వర్గాలు చెబుతున్నాయి... ఏదైతేనేం, సెకెండ్ ఇన్నింగ్స్ లో కుడా, అటు తమిళంలో, ఇటు తెలుగు లో, వరుస అవకాశాలతో తన హవా కొనసాగిస్తోంది నయనతార...