Posted: 11/27/2012 06:19 PM IST

నాకు స్వతహాగా సోషియో ఫ్యాంటసీ చిత్రాలు అంటేనే ఎక్కువ ఇష్టం. ఎన్ని కామెడి సినిమాలు తీసిన, ఎల్లకాలం గుర్తుండిపోయే చందమామ కథ లాంటి చిత్రం తీయ్యాలి అన్న ఆలోచనే, 'డమరుకం' చిత్ర కథని తయారు చేసేందుకు ప్రేరణ ఇచ్చింది. నాగార్జున గారు ఇంతవరకు పూర్తీ స్థాయి సోషియో - ఫ్యాంటసీ చిత్రం లో నటించలేదు. ఈ కథ ను వినిపించగానే నా భుజం తట్టి నా పై ఏంతో నమ్మకం తో, ఇంతటి గొప్ప బాధ్యతని నాకు అప్పచెప్పారు. ఎన్ని అడ్డంకులు ఎదురైనా 'డమరుకం' చిత్రం విడుదల అయ్యి ఈ రోజు ప్రేక్షకాదరణ పొందుతుంటే, మా అందరి శ్రమ ఫలించినందుకు, అమితానందంగా ఉంది.

అసలు నా మీద నమ్మకం తో, నాగార్జున గారు, వారి అబ్బాయి నాగ చైతన్య తో సినిమా తీసే భాద్యతని నాకు అప్పజెప్పడం, నిజంగా ఒక వరం. ఇంతవరకు చైతన్య చెయ్యని పాత్ర కథ తో, ఈ చిత్రం త్వరలో షూటింగ్ మొదలుపెట్టుకోబోతుంది', అని చెప్పుకొచ్చారు, 'డమరుకం' దర్శకులు, శ్రీనివాస్ రెడ్డి...ఇంత వరకు కామెడి సినిమాలకు దర్శకత్వం వహిస్తూ ఒచ్చిన శ్రీనివాస్ రెడ్డి గారు, 'డమరుకం' చిత్రం ద్వారా స్టార్ దర్శకుల  జాబితాలో చేరిపోయారు...అయితే, 'డమరుకం' సినిమా పై ప్రసంసలె కాదు, 'ఈ సినిమా ఆశించిన స్థాయిలో లేదు' అని పెదవి విరిచిన వారు లేకపోలేదు. దీనికి సమాధానంగా, శ్రీనివాస్ రెడ్డి, 'ప్రతీ సినిమా అన్ని వర్గాల వారినీ అలరించాలి అన్న ఉద్దేశంతోనే నిర్మిస్తాం. అయితే, ఇలా జరిగేతీరాలి అన్న నియమం ఏమి లేదు. 'పాతాళభైరవి' వంటి సినిమాలు కూడా అందరికి నచ్చవు. దీనికి ఏం అంటారు? నా వరకు, నేను తీసిన సినిమా అందరినీ కాకపోయినా,  ఎక్కువ మందిని సంతృప్తి పరచితే అంటే చాలు'  ఈ దర్శకుడు...