Posted: 11/20/2012 05:48 PM IST

టాలీవుడ్ స్టార్ హీరో నాగార్జున తన కెరియర్లో తొలిసారిగా నటించిన షోషియోఫాంటసీ సినిమా అయిన ‘ఢమరుకం ’ కి అన్నీ ఇన్నీ ఆటంకాలు కలగడం లేదు. ఈ సినిమా షూటింగు, ఆడియో, సెన్సార్ బోర్డు అనుమతులు వచ్చి నెలలు గడుస్తున్నా ఇంత వరకు విడుదలకు నోచుకోవడం లేదు. దీనిని ఆర్థిక కష్టాలే కారణం అని అందరికి తెలిసిన విషయమే. ఇప్పటి వరకు మూడుసార్లు విడుదల వాయిదా పడ్డ ఈ సినిమాని నాగార్జున ఆర్థిక భారాన్ని తన భుజాల పై వేసుకొని ఈనెల 23న విడుదల చేయబోతున్నాడని వార్తలు వచ్చిన విషయం తెలిసిందే. ఈనెల 23న విడుదలవుతుందని ఆఫీసియల్ గా ప్రకటించలేకపోయినా ఆ రోజు ఖచ్చితంగా విడుదలవుతుందనే నమ్మకంతో ప్రేక్షకులు ఉత్కంఠగా ఎదురుచూస్తున్నారు. అయితే ఇప్పటివరకు విడుదలపై హడావిడి లేకపోవడంతో.. ఫైనల్ గా ఈ చిత్రాన్ని డిసెంబర్ 3న విడుదల చేయడానికి సన్నాహాలు చేస్తున్నారని తాజాగా ఫిలింనగర్ వర్గాల్లో వినిపిస్తోంది. మరి కొందరు అయితే వచ్చే ఏడాది విడుదల చేస్తారని అంటున్నారు. ఒక వేళ కనుక ఈ చిత్రం ఈనెలలో విడుదల కాకపోతే.... దీనిని ప్రేక్షకులు ఆదరించడం కష్టమే అంటున్నారు సినీ జనాలు. మరి నాగార్జున కూడా ఈసారి మాట తప్పుతాడో చూడాలి.