Posted: 11/20/2012 05:33 PM IST

టాలీవుడ్ లో తారా జువ్వలా దూసుకున్న పోతున్న హీరో మహేష్ బాబు. ఈయనకు మార్కెట్లో ఎంత క్రేజ్ ఉందో వేరే చెప్పనక్కర్లేదు. ఇటు వరుస సినిమాలతో, అటు వాణిజ్య ప్రకటన్లో నటిస్తూ నిత్యం జనాల మధ్యలో కనిపించే మహేష్ బాబుకు చిన్నా పెద్దా అని తేడా లేకుండా ఫ్యాన్స్ ఉన్నారు. ఇక లేడీ ఫ్యాన్స్ సంగతి అయితే వేరే చెప్పనక్కర్లేదు. షాంపుల నుండి మొదలు పెడితే... ట్రాక్టర్ల వరకు అన్ని బ్రాండ్లకు మహేషే అంబాసిడర్. అలాంటి మహేష్ బాబు తాజాగా మరో యాడ్ కి కమీట్ అయినట్లు వార్తలు వస్తున్నాయి. యూత్ ఫాలోయింగ్ మెండుగా ఉన్న మహేష్ ఇప్పుడు వారిని చెడగొట్టే ఓ ప్రకటనలో నటించబోతున్నాడట. అదే మద్యం యాడ్. రాయల్ స్టాగ్’కు బ్రాండ్ అంబాసిడర్ గా చేయబోతున్నాడట. ఇందుకోసం మహేష్ భారీ స్థాయిలో పారితోషం కోసం తీసుకున్నట్లు చెబుతున్నారు. రాయల్ స్టాగ్ సంస్థ దేశంలో ఉన్న ప్రముఖ మద్యం తయారీ సంస్థ ల్లో ఒకటి. ఈ సంస్థతో ఒప్పందం కుదుర్చుకున్న మహేష్ ఇప్పుడు ఏదో రూపంలో రాయల్ స్టాగ్ కు ప్రచారం చేయాలి. ఇలా లిక్కర్ సంస్థకు బ్రాండ్ అంబాసిడర్ గా వ్యవహరించడం ఇదే తొలిసారి. ఇలాంటి ఒక స్టార్ యువతను పెడదారి పట్టించే యాడ్ లో నటించడం పై సర్వత్రా విమర్శలు వస్తున్నాయి. ఎంత స్టారైనా కాసుల కోసం కక్కుర్తి పడి యువతను చెడగొట్టే పనులు చేయడం మంచిది కాదంటున్నారు.