Posted: 11/09/2012 03:03 PM IST

పదహారేళ్ళ వయస్సు సినిమాతో ఇండస్ట్రీకి హీరోయిన్ గా ఎంట్రీ ఇచ్చి, ఇప్పటికీ పదహారు సంవత్సరాల పడుచు పిల్లలా కనిపించే అతిలోక సుందరి శ్రీదేవి ఈ మధ్యన సెకండ్ ఇన్నింగ్స్ స్టార్ట్ చేసిన విషయం తెలిసిందే. మళ్ళీ ఫాంలోకి వచ్చిన శ్రీదేవి తన భర్త భోనీ కపూర్ కి ఓ భారీ గిఫ్ట్ ఇచ్చిందని వార్తలు. బోనీ కపూర్ ని పెండ్లి చేసుకున్న తరువాత వెండితెరకు దూరం అయిన ఈ ముద్దుగుమ్మ జర్మన్ స్పోర్ట్స్ కార్ కంపెనీ అందిస్తున్న 'పోర్షే ’  porsche cayenne  డీజిల్ కారును  బోనీ కపూర్‌కు బహుమతిగా ఇచ్చిందట. ఇక్కడ ఇంకో ఆసక్తికర విషయం ఏంటంటే... భారత్ తరుపునుండి ఈ కార్ ని కొన్న 100వ కస్టమర్ శ్రీదేవి కావడం విశేషం. ఇటీవలే తాను సెకండ్ ఇన్నింగ్స్ లో మొదటి సినిమాగా నటించిన ఇంగ్లీష్ వింగ్లీష్ సినిమా మంచి విజయం సాధించడంతో ఆ ఆనందంలో తన భర్తకు ఇంత కాస్లీ కారును బహుమతిగా ఇచ్చిందటని అంటున్నారు. మొన్నటి వరకు ఈ ఫ్యామిలీ అప్పుల్లో కూరుకుపోయినట్లు వార్తలు వచ్చాయి. మరి ఇప్పుడు ఇంత కాస్లీ కారును బహుమతిగా ఇవ్వడంతో బాలీవుడ్ జనాలు ఆశ్చర్యానికి లోనవుతున్నారు.