Posted: 09/20/2012 07:02 PM IST

జాగారం అంటే  శివరాత్రి గుర్తుకు వస్తుంది?  దేవుళ్ల కోసంమే జాగారం చేసే భక్తులను చూశాం. కానీ  ఒక హీరో కోసం రాత్రంతా జాగారం చేసే అభిమానులు ఉన్నారని తమిళ ప్రజలు నిరూపించారు. అదీ కూడా ఒక తెలుగు హీరోకి వారు జాగారం చేయటం చాలా ఆశ్చర్యంగా ఉందని  టాలీవుడ్ సభ్యులు అంటున్నారు. మహేష్‌ బాబు, వెంకటేష్‌ కాంబినేషన్‌లో వస్తున్న చిత్రం 'సీతమ్మ వాకిట్లో సిరిమల్లె చెట్టు' చిత్రం షూటింగ్‌ జరుగుతోంది. అయితే పచ్చటి కొబ్బరిచెట్ల నడుమ పల్లెటూరి వాతావరణంలో జరగాల్సింది. దీనికి రాజమండ్రిని ముందుగా అనుకున్నారు. కానీ అక్కడ షూటింగ్‌ జరిగితే అంతేసంగతులు అని అర్థమైంది నిర్మాత దిల్‌రాజుకు. అందుకే దిల్‌రాజు కష్టపడి ఖర్చు ఎక్కువైనా లొకేషన్‌ మార్చేశారు. చెన్నై పక్కన ఓ గ్రామాన్ని అచ్చం కొబ్బరిచెట్లు ఉన్న వాతావరణాన్ని ఎంచుకున్నారు. అక్కడ షూటింగ్‌ జరిగింది. ఓ పాటను కొన్ని సీన్లను తీయడం మొదలుపెట్టారు. అయితే చిత్రమైన పరిస్థితి దిల్‌రాజు ఎదుర్కొన్నాడు. అక్కడ పెద్దగా జనాలు రారని అనుకున్నారట. కానీ వెయ్యిమంది విద్యార్థులు వచ్చి మహేష్ బాబు కోసం ఓ రాత్రంతా షూటింగ్‌ స్పాట్‌ బయట కూర్చుని తెల్లారి దర్శనం చేసుకున్నారట. ఈ విషయాన్ని దిల్‌రాజు చెబుతూ... రాత్రంతా వారు ఉండటం చూసి ఆశ్చర్యపోయాను. ఈమధ్య విడుదలైన రజనీకాంత్‌, జగపతిబాబు సినిమాలో రజనీకాంత్‌ కోసం రాత్రంతా ఊరంతా ఎదురుచూసిన సీన్‌ గుర్తుకువచ్చింది. అందుకే ఎక్కడున్నా మహేష్ నెంబర్‌ వన్‌..అంటూ చెప్పారు.