Posted: 08/08/2012 05:12 PM IST

ఏసిబికి  డబ్బులు  ఇవ్వటం అంటే  ... ఇక్కడ సిబిఐ  అప్పు గాకాదు.   సిబిఐ వారు తీసుకున్న బాకీ  కాదు.  సిబిఐ దగ్గర ఉన్న డబ్బుసు  ఏసిబి ఇస్తున్నారు.  ఆ డబ్బు ఎసిబి వారిది కాదండోయ్.  ఆ డబ్బు యాజమాని  ఒకరు. ఆయన ఇప్పుడ జైల్లో  ఉన్నాడు.  ఆయన పేరు గాలి జనార్థన్ రెడ్డి.   బెయిల్  కుంభకోణం కేసులో .. సిబిఐ చిక్కిన డబ్బు ఇప్పుడు ఏసీబీ వారి చేతుల్లోకి వెళ్లుతుంది.   గాలి బెయిల్  వ్యవహరంలో  స్వాధీనం  చేసుకున్న   వస్తువులను,  నగదును  ఏసీబీకి  ఇవ్వమని  కోర్టు చెప్పటంతో.. సిబిఐ వారు  కార్పొ రేషన్  బ్యాంకు లాకర్ల  నుంచి  స్వాధీనం  చేసుకున్న  రూ. 1,60,20,000, మాజీ  జడ్జి చలపతిరావు  సోదరుడు  టీవీ  బాలాజీ  ఇంటి నుంచి రూ 48.97 లక్షలు,   ఆయన బ్యాంకు  లాకరు  నుంచి స్వాధీనం చేసుకున్న  మరో రూ. 65.19 లక్షలతో  కలిసి మొత్తం నగదు  రూ. 2,74,36,000 లను,  వీడియో  క్యాసెట్లు, పెన్ డ్రైవ్ లు, యాదగిరిరావు  ఇంటి నుంచి  సేకరించిన  వీడియో  రికార్డర్  తదితరాలను ఏసీబీకి  అందజేయనున్నామని సీబీఐ  తెలిపింది.  

  ఓఎంసీ  కేసులో దాఖలు  చేసిన మెమోను  రికార్డు  చేయాలని  సీబీఐ  కోర్టు ను  అభ్యర్థించింది.  స్వాధీనం  చేసుకున్న  వీడియో  టేపులు,  ఇతర  ఎలక్ట్రానిక్  పరికరాలను సీఎఫ్ ఎస్ ఎల్  ( ఫోరెన్సిక్ ల్యాబ్) కు పంపామని  , అవి వెనక్కి  రాగానే ఏసీబీకి  అందజేస్తామని  సీబీఐ తెలిపింది.  ముడుపులు  తీసుకోవడం  ద్వారా  ఓఎంసి కేసులో  నిందితుడైన  గాలి జనార్థన్ రెడ్డికి  అప్పటి సీబీఐ  కోర్టు జడ్జి  పట్టాభిరామారావు  బెయిల్  మంజూరు  చేయడం పై హైకోర్టు  అనుమతితో  సోదాలు  నిర్వహించి , నగదును , ఇతర  వస్తువులను  సీబీఐ  స్వాదీనం  చేసుకుంది.  దర్యాప్తు  చేయడానికి  అవసరమైన  అనుమతిని  రాష్ట్ర ప్రభుత్వం  నుంచి  తీసుకోవాలని , అప్పటి వరకు  ఈ వ్యవహారంపై రాష్ట్ర దర్యాప్తు  సంస్థ ఏసీబీకి   ఫిర్యాదు  చేయాలని  హైకోర్టు  సూచించింది.