Posted: 07/06/2012 03:42 PM IST

బ్యాంకు లో  బాకీ ఉందటే .. భయం నాలుగు మూలల నుండి తరుముకోస్తుంది. ప్రతి వ్యక్తి సరికొత్త భయం పుడుతుంది.  అవే బ్యాంకులు  కొంతమంది పేర్లు  వింటే చాలు.. బ్యాంకులు గజగజ వణికిపోతాయి.  వారు గానీ సదరు బ్యాంకు నుండి  లోన్ తీసుకున్నారా? ఇకా అంతే సంగతులు.  బ్యాంకు ఖాతాలోకి డబ్బులు రానట్టే లెక్క. ఇప్పడు అలాంటివారు ఎంతమంది ఉన్నారో తెలుసా?  ఒక్క మాటలో చెప్పాలంటే.. 49 లక్షల మంది పైన ఉన్నట్లు  తెలుస్తోంది.  వీరు ఎంత డబ్బు బ్యాంకు కు ఎగ్గోట్టారో తెలుసో? మన వైఎస్ జగన్  ఐదు సంవత్సరాలో సంపాదించినంత డబ్బును వీరు ఎగ్గొట్టినట్లు సమాచారం.బ్యాంకుల నుంచి రుణాలు తీసుకుని ఎగ్గొట్టిన వారి సంఖ్య దేశంలో సుమారు 49 లక్షల మందిపైనే ఉన్నారట. వీరంతా కలిసి దేశంలోని పలు జాతీయ బ్యాంకుల నెత్తిన కుచ్చుటోపి పెట్టింది అక్షరాలా లక్ష కోట్ల రూపాయలు. ఈ సమాచారాన్ని ఓం ప్రకాశ్‌ అనే ఆర్‌టీఐ కార్యకర్త పలు బ్యాంకుల నుంచి సమాచారం సేకరించారు. వివరాల్లోకి వెళితే స్టేట్‌బ్యాంకు ఆఫ్‌ ఇండియా (ఎస్‌బీఐ) అత్యధికంగా 32 శాతం డిఫాల్ట్‌కు గురైంది. రుణాలు తీసుకున్న వారిలో 36.3 శాతం మంది డిఫాల్టర్లున్నారు. మొత్తం డిఫ్టాల్టర్ల సంఖ్య 49,24,611 మంది కాగా బ్యాంకు మొత్తం మోసపోయింది రూ.1,00,155 కోట్లు వీటిలో అత్యధికంగా స్టేట్‌ బ్యాంకు ఆఫ్‌ ఇండియాలో 17,88,125 డిఫాల్టర్లు మొత్తం రూ.32,534 కోట్లు ముంచారు.

తర్వాత స్థానం పంజాబ్‌ నేషనల్‌ బ్యాంకు రూ.9,632 కోట్ల వరకు మునిగింది. యూనియన్‌ బ్యాంకు కూడా రూ.7,615 కోట్ల వరకు డిఫాల్ట్‌కు గురైంది. డిఫాల్టర్ల సంఖ్య విషయానికి వస్తే యూనియన్‌ బ్యాంకుకు రెండవ స్థానంలో ఉంది ఈబ్యాంకుకు 5,50,733 మంది వరకు రుణాలు తీసుకుని చేతులెత్తేశారు. బ్యాంకు ఆఫ్‌ ఇండియాకు 3,43,222 మంది రుణాలు తీసుకుని ఎగ్గొట్టారు. మరో ఆరు బ్యాంకుల వరకు డిఫాల్టర్లు రూ.3,000 నుంచి రూ.4,000 కోట్ల వరకు చేతులెత్తేశారు. నాలుగు బ్యాంకులకు రూ.2,000 కోట్ల నుంచి రూ.3,000 కోట్లకు వరకు మునిగాయి. మరో ఏడు బ్యాంకులు రూ.1,000 నుంచి రూ.2,000 కోట్ల వరకు ... మరో మూడు బ్యాంకులు రూ.1,000 కోట్ల వరకు డిఫాల్టర్ల బారినపడ్డాయి. ఇంక పెద్ద మొత్తాల్లో బ్యాంకుల నుంచి రుణాలు తీసుకుని ఎగ్గొట్టిన వారికి విషయానికి వస్తే రూ.10 కోట్లపైనే బ్యాంకులను ముంచిన వారి సంఖ్య 969 మంది వరకు ఉన్నారు. ఇలాంటి పెద్ద మొత్తాలు తీసుకుని బ్యాంకులను ఎగ్గొట్టిన సొమ్ము రూ.27,000 కోట్ల వరకు ఉంటుంది. స్టేట్‌బ్యాంకు ఆఫ్‌ ఇండియా చేతిలో 370 వరకు మొండిబకాయలున్నాయి. కాగా బ్యాంకు ఆఫ్‌ ఇండియాకు 139, యూనియన్‌ బ్యాంకు వద్ద 93 వరకు ఉన్నాయి. ఇలా అయితే  దేశ ఆర్థికంగా ఎలా ఎదుకుతుందని  సీనియర్ మేథావులు అంటున్నారు.