Posted: 06/30/2012 03:07 PM IST

రాజకీయాలు బాగా వేడెక్కిపోతున్నాయి.  ఇప్పటి రాజకీయాలతో  ముఖ్యమంత్రికి పెద్ద గండం వచ్చిపడింది.  ముఖ్యమంత్రికి వ్యతిరేకంగా పది మంది మంత్రులు రాజీనామా లేఖల్ని సిద్దం చేశారు. నలబై మంది ఎమ్మెల్యేలు  వున్న ముఖ్యమంత్రి  తమకొద్దంటున్నారు.  ఇదంతా అధికార  పార్టీలో  సీన్.  అయితే ఈ రాజకీయం  మన రాష్టానికి సంబందించిన వ్యవహారం కాదండోయ్.  కర్ణాటకలో అధికార  బీజేపీలో సంక్షోభమిదంతా. అక్కడిలాంటి సంక్షోభాలు  సర్వసాధారణం. ఏడాది పాటు ఏ గొడవా  లేకుండా ముఖ్యమంత్రి  పదవిలో  ఎవరన్నా  ఉంటే అదో  గొప్ప విషయం  అయిపోయింది కర్ణాటకలో . యడ్యూరప్ప గద్దె దిగి  సదానంద గౌడ్ గద్దెక్కితే, ఆయనకిప్పుడు   యడ్యూరప్ప  సూపర్ షాకిచ్చారు.  తన వర్గం ఎమ్మల్యేలు, మంత్రులతో సదానంద గౌడకి  గూబగుయ్యమనిపించారట.

   దాంతో  సదానందగౌడకి  ఏం చెయ్యాలో  అర్థం  కావట్లేదు. కర్ణాటకలో  ఎమ్మెల్యేల కొనుగోళ్ళు చాలా చిన్న విషయం  సర్వసాధారణమైన  వ్యవహారం. ఒక్క ఎమ్మెల్యేని కొనుగోళ్లు  చేయ్యాలంటే  నాలుగు నుంచి పది కోట్ల దాకా ఖర్చు చేసి, అదే ఎమ్మెల్యేని  ఎన్నిసార్లయినా  కొనేయడానికి  అక్కడి రాజకీయం వెనకంజ వేయదని  గతంలో  చాలా సార్లు  ప్రూవ్ అయ్యింది.  ఈసారేమవుతుందోగానీ,  సదానంద  గౌడ సీఎం పదవి  కిందకి  నీళ్ళోచ్చినట్లేనని కర్ణాటక సీనియర్ రాజకీయ నాయకులు అంటున్నారు.  త్వరలో  ఆంధ్రప్రదేశ్ సిఎం కూడా  మారబోతున్నాడని కర్ణాటక బీజేపి పార్టీ నాయకులు చెప్పకుంటున్నారు.