Posted: 06/23/2012 04:30 PM IST

తెలుగుదేశం పార్టీలో యుద్దం మొదలైంది. అదీ కూడా  నందమూరి కుటుంబం నుండి ప్రారంభమైనట్లు టీడీపీ నాయకులు అంటున్నారు. ఇప్పటి వరకు నందమూరి కుటుంబం  నుండి ఒక్క హరిక్రిష్ణ కు తప్పించి మిగత  ఎవ్వరికి  తెలుగుదేశంలో  పదవులు లేవు అనేది అందరికి తెలిసిన విషయమే.  చంద్రబాబుకు  బావమరిది అయిన బాలయ్యకు కూడా పదవి లేదు.  బాలయ్య రాజకీయ పదవి లేకపోవటంతో  ఆయన మాటలను పార్టీలో ఎవరు పెద్దగా పట్టించుకోరు. అనే విషయ బాలయ్య గ్రహించి.. రాబోయే ఎన్నికల్లో పోటీ చెయ్యాలనే ఉద్దేశంతో ఉన్నట్లు పార్టీ నాయకులు అంటున్నారు.

2014 లో బాలయ్య ఎక్కడ నుండి పోటీ చెస్తే బాగుంటుందనే పథకం ఇప్పటి నుండి రెఢీ చేస్తున్నట్లు  తెలుస్తోంది.  బాలయ్య ఆలోచనల మేరకు  రాబోయే ఎన్నికల్లో   గుడివాడ నుంచి పోటీ చేస్తే బాగుంటుందని  భావించి .. తన బావ చంద్రబాబుతో  చెప్పినట్లు తెలుస్తోంది.  ఈ విషయం తెలుసుకున్న  గుడివాడ ఎమ్మెల్యే  కొడలి  నాని కోపంగా ఉన్నట్లు తెలుస్తోంది.  అంటే కొడాలి నాని తప్పించి  అతని స్థానంలో  బాలయ్యకు టిక్కెట్  ఇవ్వటానికి   దాదాపు రంగం సిద్దమైనట్లు  పార్టీ నాయకులు అంటున్నారు. ఈ విషయం  సిట్టింగ్  ఎమ్మెల్యే ను కాదని  బాలయ్య కు ఎలా సీటిస్తారని  నాని అడుగుతున్నాడట.  ఇలా జరిగితే  చంద్రబాబుతో అమీతుమీ తేల్చుకోవాలని  ఎమ్మెల్యే కొడాలి నాని  భావిస్తున్నట్లు  విశ్వసనీయ  వర్గాల సమాచారం. 

బాలయ్య మాత్రం  వచ్చే ఎన్నికల్లో   పార్టీ అధినాయకత్వం  ఎక్కడ నుంచి పోటీ చేయమంటే  అక్కడ నుంచి బరిలో  దిగుతానని , ఇకపై తాను పార్టీలో  క్రియాశీలక  పాత్ర పోషిస్తానంటూ  బాలయ్య ఈ మద్య మద్య పదే పదే  చేస్తున్న వ్యాఖ్యలు  పార్టీ వర్గాల్లో  చర్చనీయంశమైంది.   బాలయ్య రాష్ట్రంలో  ఎక్కడ నుంచి పోటీ  చేస్తారు?  ఆయన సొంత జిల్లా  గుడివాడ  నుంచే బరిలో దిగుతారా?  లేక విజయవాడ  నుంచి ఎంపీగా  పోటీచేస్తారా?  అన్న సందేహాలు  కలుగుతున్నాయి.

ఈ విషయం పై  హరిక్రిష్ణ కూడా చంద్రబాబు మండిపడుతున్నట్లు తెలుస్తోంది.   చంద్రబాబు కావాలనే పనిగట్టకుని  తమ అన్నదమ్ముల  మద్య విభేదాలు  కల్పిస్తూ  రాజకీయంగా  లబ్ధిపొందాలని  చూస్తున్నారని  ఆయన అంటున్నారు.  చంద్రబాబు వైఖరి  మారకపోతే పార్టీ  భవిష్యత్ కే నష్టమని  ఆయన అంటున్నారు.  హరిక్రిష్ణ , జూ. ఎన్టీఆర్ లకు  సన్నిహితులుగా ఉన్న  విజయవాడ  టిడిపి నేత వల్లభనేని వంశీ, గుడివాల ఎమ్మెల్యే  కొడాలి నానిలను  రాజకీయంగా అణగ దొక్కేందుకు  అధినాయకత్వమే  కుట్రపన్నుతున్నట్లు  హరిక్రిష్ణ వర్గీయులు  అనుమానిస్తున్నారు.   ఇదే నిజమైతే  ఎట్టి పరిస్థితుల్లోనూ అధినాయకత్వంతో రాజీ పడకుండా  తాడోపేడో  తేల్చుకోవాలని  ఆ వర్గాలు  భావిస్తున్నాయి.