Posted: 04/24/2012 03:50 PM IST

మద్దెల చెర్వు సూరి హత్య కేసులో ప్రధాన నిందితుడు భాను కిరణ్ చాలా రోజుల తరువాత అరెస్ట్ అయిన విషయం తెలిసిందే. భాను సంపాదించిన వేల కోట్ల రూపాయల ఆస్తుల వెనక ఎవరి హస్తం ఉందనే విషయంపై సిఐడి అధికారులు ఆరా తీస్తున్నట్లు తెలుస్తోంది. తనకు మంగళి కృష్ణ బినామీగా వ్యవహరించినట్లు భాను సిఐడి అధికారుల వద్ద అంగీకరించినట్లు వార్తలు.

మంగళి కృష్ణ, అతడి కుటుంబ సభ్యులు ఆదినుంచీ దివంగత ముఖ్యమంత్రి వైఎస్‌ రాజశేఖర్‌ రెడ్డికి వీరవిధేయులు. కృష్ణ వైయస్‌ జగన్‌కు దాదాపు కుడిభుజంగా పనిచేస్తున్నాడు. మంగళి కృష్ణ భానుకు బినామీ కావడంతో వ్యవహారం ఇటూ అటూ తిరిగి జగన్ దాకా వచ్చే ప్రమాదం ఉందని అంటున్నారు. శనివారం నాడు భానును అరెస్ట్‌ చేసిన తరువాత తమ వద్ద ఉన్న కొద్దిపాటి సమయంలో చేసిన విచారణలో భాను చెప్పిన అంశాలపైనే నేరాంగీకార పత్రాన్ని రూపొందించారు. తాజాగా అతడిని కస్టడీలోకి తీసుకున్న అనంతరం మంగళికృష్ణ సంగతి కూడా పూర్తిగా విచారిస్తామని సిఐడి అధికారులు చెప్పారు.  మరి తండ్రి అధికారాన్ని అడ్డం పెట్టుకొని వేల కోట్లు సంపాదించిన జగన్ కి ఈ కేసులో కూడా హస్తం ఉందనే వార్తలు వస్తున్నాయి. మరి ఈ కేసు ఎన్ని మలుపులు తిరగబోతుందో వెయిట్ అండ్ సీ.