Posted: 02/27/2012 08:21 PM IST

దివంగత ముఖ్యమంత్రి వైయస్ రాజశేఖర్ రెడ్డి ఇంకా బతికే ఉన్నాడట. అందేంటి హెలికాప్టర్ ప్రమాదంలో చనిపోలేదా ? అని డౌట్ పడకండి. ఆయన చనిపోయి పరలోకంలో సజీవంగా ఉన్నాడని ఆయన కుమార్తె షర్మిళా అన్నారు.

ఆమె తూర్పుగోదావరి జిల్లాలోని అమలాపురం జిఎంసీ బాలయోగి స్టేడియంలో జరిగిన క్రీస్తు ఆశీర్వాద సభలకు హాజరయ్యారు. ఈ కార్యక్రమానికి వైయస్ విజయమ్మ, బ్రదర్ అనిల్ కూడా హాజరయ్యారు. ఈ కార్యక్రమానికి హాజరైన వైయస్ విజయమ్మ ప్రత్యేక పార్థనలు చేశారు. తరువాత షర్మిళా ఆసభను ఉధ్దేశించి మాట్లాడుతూ... నా తండ్రి మరణించి రెండున్నరేళ్ళయినా ఇంకా ఇంకా సజీవుడై ఉన్నాడు. నా తండ్రి చిరునామా మారింది అంతే... ఇలా ఎందుకు జరిగిపోయింది అని ఆలోచిస్తుంటే ‘‘ చివరకు దైవ నిర్ణయంగా భావించి మనస్సును సరిపెట్టుకున్నానని ఆమె అన్నారు.

అయితే ఈ సభలో కొందరు వివిధ రకాలుగా అనుకుంటున్నారు. ఆశీర్వాద సభల పేరు చెప్పి, మతం పేరుతో ఇలా తన తమ్ముడి రాజకీయ పార్టీ గురించి ప్రచారం చేస్తున్నారని త్వరలో అమలాపురం, నరసాపురం, రామచంద్రపురంలలో జరగ బోయే ఉప ఎన్నికలలో భాగంగానే ఈ ప్రచారాలు చేస్తున్నారని, జగన్ ఓదార్పు పేరుతో యాత్రలు చేస్తూ రాజకీయం చేస్తుంటే, తన కుటుంబ సభ్యలు మతం పేరుతో ఇలా ప్రచారం చేస్తున్నారని అనుకుంటున్నారు.