Posted: 02/13/2012 06:14 PM IST

పువ్వులమ్మిన చేతులే.. కాట్టేలమ్మటం అంటే ఇదేనేమో అనిపిస్తుంది. ఎందుకంటే .. గతంలో ప్రత్యేక తెలంగాణ కోసం ట్యాంకు బండ పై ఉన్న విగ్రహాలను పగలగొట్టిన విషయం తెలిసిందే. ఇప్పుడు ఆ నాయకులే ట్యాంకు బండపై విగ్రహాలు పెట్టాలని ప్రభుత్వం పై ఒత్తిడి తెస్తున్నారు.

అసెంబ్లీలో అంబే ద్కర్‌ విగ్రహాన్ని ఏర్పాటు చేయాలని తెలంగాణ జాగృతి అధ్యక్షురాలు కల్వకుంట్ల కవిత, పొలిటికల్‌ జేఏసీ ఛైర్మన్‌ కోదండరామిరెడ్డి డిమాండ్‌ చేశారు. కవిత నివాసంలో జరిగన శాసనసభా వ్యవహారాల సలహా సంఘం సమావేశంలో విగ్రహ ఏర్పాటుపై నిర్ణయం తీసుకోక పోతే మార్చి 4న ఇందిరాపార్కు వద్ద 5 వేల మందితో ఒక రోజు నిరాహార దీక్ష చేపట్టనున్నట్లు కవిత హెచ్చరించారు. అంతే కాకుండా దశల వారీగా ఉద్యమాన్ని ఉధృతం చేస్తామన్నారు.

అంబేద్కర్‌ విగ్రహ ప్రతిష్టాపన కోసం తెలంగాణ జాగృతి సంస్థకు తమ పూర్తి సంఘీభావం ఉంటుందని, వారు ఎలాంటి ఉద్యమాన్ని చేపట్టిన జేఏసీ సంపూర్ణంగా మద్దతిస్తుందన్నారు. రాజ్యాంగ నిర్మాత అంబేద్కర్ కాంస్య విగ్రహాన్ని రాష్ట్ర శాసనసభలో ఏర్పాటు చేసే అంశంపై జరిగే శాసనసభ వ్యవహారాల కమిటీ సమావేశంలో నిర్ణయం తీసుకోవాలని తెలంగాణ జాగృతి అధ్యక్షురాలు కల్వకుంట్ల కవిత అంబేద్కర్ విగ్రహ ఏర్పాటు అంశంపై చర్చించేందుకు అసెంబ్లీ స్పీకర్, గవర్నర్‌ల అపాయింట్‌మెంట్‌ల కోసం ప్రయత్నం చేస్తున్నా అనుమతి ఇవ్వడంలేదన్నారు. రూ.3.5 కోట్లు ఖర్చు పెట్టి అసెంబ్లీని ఆధునికీకరించారు గానీ, రాజ్యాంగ నిర్మాత విగ్రహాన్ని ఏర్పాటు చేయకపోవడం దురదృష్టకరమన్నారు. అంబేద్కర్ విగ్రహ ఏర్పాటు ఆత్మగౌరవానికి చిహ్నమని చెప్పారు.