Posted: 02/07/2012 03:46 PM IST

దక్షిణాదిన సిసలైన లవ్ బర్డ్ నయన తార. కేరిర్ లో ఎన్నో ఉత్థానపతనాలను చవి చూసిన ఈ బెంగళూరు భామ దర్శక నటుడు ప్రభుదేవాను ప్రాణసమానంగ ప్రేమించి .. ఓ ఇంటిదవ్వడానికి సిద్దమయ్యారు. అయితే ఈ భామ ప్రస్తుతం సఖుని వీడి సినిమాపైనే ఎక్కువ ప్రేమను చూపిస్తున్నారు. అసలు ప్రభు నయన మధ్య ఏం జరిగిందంటే? ప్రభు ఈ మధ్య ‘ఎంగేయుమ్ కాదల్’ చిత్రానికి దర్శకత్వం వహించే సమయంలో ప్రభు అందాల హన్సికతో ప్రేమలో మునిగి, నయన్ ని సరిగా పట్టించుకోలేదని దాంతో ఈ ఇద్దరి మధ్య దూరం పెరిగిందని ప్రచారం సాగుతోంది. అయితే సినీ కేరీర్ కొనసాగింపుపై నయన్ చూపిస్తున్న ఉత్సాహం కూడా ఇద్దరి మధ్యా దూరం పెరుగుతోందనడానికి ఊతమిస్తోందని కోలివుడ్ వాసులు అంటున్నారు.

ఇన్నాళ్లు ఒకరకమైన ఇబ్బందికర స్థితిలో నయన జీవితం సాగిందని ఇప్పుడు నయన మనసు ప్రశాంతంగా ఉందని అందుకే సినిమాలు ఒప్పుకుంటునని తన మిత్రులతో చెబుతుందని అంటున్నారు. నయనతార తన చివరి సినిమా ‘శ్రీరామరాజ్యం’ అని చెప్పిన ఈ మలబార్ బ్యూటీ ఇప్పుడు కొత్త నాగార్జునతో సినిమా చేయడానికి సిద్దమైందని తెలుస్తుంది.

అది మాత్రమే కాదు... ఇక వరుసగా సినిమాలు చేయాలని కూడా నిర్ణయించుకున్నారట. ఇటు తెలుగు, అటు తమిళ్ భాషల్లో సినిమాలు చేయాలని ఫిక్స్ అయ్యారట. అందుకు కారణం ఉందని నయనతార చెబుతుందట. తమిళ పరిశ్రమ నాకు స్టార్‌డమ్ తెచ్చిపెట్టిందని మరియు తెలుగు పరిశ్రమ దాన్ని రెట్టింపు చేసింది కాబట్టి అందుకే ఈ రెండు భాషల్లోనూ నయన సినిమాలు చేయాలనుకుంటుందని కోలివుడ్ వర్గాలు అంటున్నాయి.

నాగార్జునతో ఈ మలబార్ బ్యూటీ చేయబోతున్న సినిమా రొమాంటిక్ ఎంటర్‌టైనర్ మూవీ అట. ఇదిలా ఉంటే... ఇటీవలే తమిళంలో అజిత్ సరసన ఓ చిత్రంలో నటించడానికి నయనతార అంగీకరించారనే వార్త కోలీవుడ్‌లో హల్‌చల్ చేస్తోంది. విష్ణువర్థన్ దర్శకత్వంలో ఈ చిత్రం రూపొందనుందని సమాచారం.

ఇటీవల ఈ చిత్రకథ, పాత్ర గురించి నయనతార దగ్గర విష్ణువర్థన్ చెప్పారని సమాచారం. నయనతార ఇందులో నటించడానికి సుముఖంగానే ఉన్నారట. త్వరలో అధికారికంగా సంతకం చేస్తారని తెలుస్తోంది. ఈ చిత్రంలో నటించడానికిగాను నయనతార తీసుకోబోతున్న పారితోషికం కోటిన్నరకు కాస్త తక్కువ అని కోలీవుడ్‌వారు అంటున్నారు. మరికొన్ని సినిమాలకు సంబంధించి చర్చలు కూడా జరుగుతున్నాయట. ఎలా లేదన్నా నయనతార ఈ ఏడాది మూడు, నాలుగు సినిమాలు కమిట్ అయ్యే అవకాశం ఉందని పరిశీలకులు అంచనా వేస్తున్నారు.

నయన తార మాత్రం సీతమ్మ దేవి నన్ను కాపాడిందని చెబుతుందట. అంటే శ్రీరామ రాజ్యం సినిమా తరువాత నయన సినిమాల్లో నటించదని అందరి తెలిసిందే. అయితే.. ప్రభుతో నయన పెళ్లి ఆగిపోవటం చాలా మంచిదట. ప్రభు పెళ్లి నుండి సీతమ్మ కాపాడి, నయన ను కేరీర్ చూసుకోమని చెప్పిందని, అందుకే ఆమె సినిమాల్లో నటిస్తుందని కోలీవుడ్ వర్గాలు అంటున్నాయి.