Posted: 12/24/2011 11:11 AM IST

ప్రపంచ విశ్వసుందరిగా పేరొందిన ఐశ్వర్య రాయ్ ఈ మధ్యనే ఓ పాపకు జన్మనిచ్చింది. బాలీవుడ్ లో నేటికి అందంలో వన్నె తగ్గని హీరోయిన్ గా వెలుగొందుతున్నది కూడా ఐశ్వర్యనే. తను గర్భం దాల్చడంతో సినిమాలకు కాస్త బ్రేక్ ఇచ్చిన ఈ సుందరి త్వరలో సెకండ్ ఇన్నింగ్స్ మొదలు పెట్టబోతున్న వార్తలు కూడా వస్తున్నాయి. అయితే సెంకడ్ ఇన్నింగ్స్ మాట దేవుడెరుగు... ప్రస్తుతం బాలీవుడ్ లో ఐశ్వర్య పై వినిపిస్తున్న వార్తలు మాత్రం చాలా హాట్ హాట్ గా ఉన్నాయి. ఈమె తర్వలో బుల్లి తెర పై రంగ ప్రవేశం చేయనుందని సమాచారం.

అయితే ఐశ్వర్య తల్లి అయిన తరువాత అందం పోయి ఈమెకు ఎవరు అవకాశాలు ఇవ్వడం లేకనే బుల్లితెర పై రంగప్రవేశం చేస్తుందనుకుంటే మీరు తప్పులో కాలేసినట్లే. ఎందుకంటే ఈమె అమ్మయినా అందం మాత్రం తగ్గలేదు. ఈమె బుల్లి తెర ప్రవేశం చేయడానికి కొన్ని కారణాలు కూడా ఉన్నాయి. ఇప్పటికే మామ అమితాబ్, తన మాజీ బాయ్ ఫ్రెండ్ సల్మాన్ ఖాన్, తన కోస్టార్స్ షారుఖ్ ఖాన్, హృతిక్ రోషన్ లు బుల్లి తెరపై హల్ చేస్తూ ఓ వెలుగు వెలుగుతున్న నేపథ్యంలో తాను ఆ బాటలో నడిచి మరింత కీర్తి, డబ్బు సంపాదించాలనే ఆలోచనలో ఉందట ఐష్.వీరిని ఆదర్శంగా తీసుకొని బుల్లి తెర పై ప్రవేశించాలనే ఆలోచనే కాకుండా, మరో ముఖ్యకారణం ఏంటంటే... తను అమ్మతనంలోని మాధుర్యాన్ని అనుభవించాలంటే... సినిమాలలో నటిస్తే ఇంటి పట్టున ఉండటం కుదరదు. దాంతో పాప ఆలనా పాలనా చూసే అవకాశం ఉండదు కాబట్టి బుల్లితెర పై వచ్చే షోలలో పాల్గొనాలనే ఆలోచనలో ఉందట ఐష్. కాబట్టి కొంత కాలం సినిమాలకు స్వస్తి చెప్పి.... బుల్లి తెరపై దర్శనం ఇవ్వాలనుకుంటుందట.

ఇటీవల ఐశ్వర్యను కలిసిన సంజయ్ లీలా బన్సాలీ తనతో ఈ సినిమా చేసే విషయంతో పాటు ఓ రియాల్టీ షోకి జడ్డిగా వ్యవహరించాలని రిక్వెస్ట్ చేసినట్లు తెలుస్తూంది. త్వరలోనే ఐశ్వర్య రాయ్ నేషనల్ ఛానల్ లో ప్రసారం అయ్యే రియాల్టీ షోలో జడ్జిగా కనిపించబోతున్నదని, తన బెల్లితెర ఎంట్రీ విషయాన్ని అధికారికంగా వెల్లడించే అవకాశం ఉందని అంటున్నాయి బాలీవుడ్ వర్గాలు. మరి ఐష్ ఆల్ ది బెస్ట్ చెబుదామా ...?