పబ్ లో పార్టీ చేసుకున్న బాలీవుడ్ నటి.. ఆ తరువాత..

Posted: 04/05/2022 09:59 PM IST

Mumbai actor garima jain s mobile stolen from pub near domestic airport

లేట్‌నైట్‌ పార్టీలు, పబ్‌ కల్చర్‌ నేటి యువతలో మితిమీరుతోంది. పాశ్చాత సంస్కృతి మోజులో పీకల వరకు మద్యం తాగి.. రాత్రిళ్లు ఆహారాన్ని తీసుకుంటూ.. అది జీర్ణం కాక అవస్థలు పడుతున్నారు. ఇలా లేట్ నైట్ పార్టీలు కొందరి యువత ప్రాణాలపైకి కూడా తెచ్చుకుంటున్నారు. అరోగ్యాన్ని పాడు చేసుకుంటున్నారు. ఇక వీకెండ్‌ వచ్చిందంటే చాలు ఫ్రెండ్స్‌తో చిల్‌ అవ్వాల్సిందే అనేలా ప్రవర్తిస్తున్నారు. సాప్ట్ వేర రంగంలో ఈ ధోరణి అధికంగా కనిపిస్తోంది. కొన్నేళ్ల క్రితం వరకు కేవలం సెలబ్రిటీలు, సినీతారలు, ఇత్యాధులకు మాత్రమే పరిమితమైయ్యాయి.

ఈ మధ్యాకాలంలో ఈ లేట్ నైట్‌ పార్టీలు సాప్ట్ వేర్ ఉద్యోగులతో హద్దులు మీరుతోంది. ఉన్నత వేతనవర్గాలు రాత్రిళ్లంతా వీరు పబ్ లల్లో చిందేస్తున్నారు. ఇక వారి తరువాతి వేతన వర్గాలు బార్లలో చిందులేస్తున్నారు. ఇది చాలదన్నట్లు సంస్థలు కూడా తమ ఉద్యోగులకు అప్పడప్పుడూ పార్టీలను ఇచ్చి.. వారి సేవలకు ప్రోత్సాహాన్నిస్తోంది. ఇక తాజా విషయానికి వస్తే ఇలాంటి పబ్ పార్టీలు మన బాలీవుడ్ నటీనటులకు కొత్తేమీ కాదు. బాలీవుడ్‌ నటి, సింగర్‌ గరిమా జైన్‌కు ముంబైలోని పబ్‌లో ఊహించని షాక్‌ తగిలింది. వివరాల ప్రకారం ఏప్రిల్‌2న వీకెండ్‌ పార్టీ కోసం ముంబై ఎయిర్‌పోర్ట్‌కు దగ్గర్లో ఉన్న పబ్‌కు వెళ్లిన గరిమా పార్టీలో బాగా ఎంజాయ్‌ చేసింది.

తెల్లవారుజామున 3.15నిమిషాలకు అక్కడి నుంచి తిరిగి వచ్చే క్రమంలో తన ఫోన్‌ పోగొట్టుకున్న విషయాన్ని గుర్తించింది. వెంటనే పబ్‌ నిర్వాహకులకు, పోలీసులకు ఫిర్యాదు చేసింది. తిరిగి పబ్‌కి వెళ్లి ఎంత దొరికినా తన ఫోన్‌ కనిపించలేదంటూ వాపోయింది. ఆ ఫోన్‌ ధర సుమారు లక్ష రూపాయల దాకా ఉంటుందని పేర్కొంది. గరిమా కేసు నమోదు చేసుకున్న పోలీసులు విచారణ చేపట్టారు. కాగా గరిమా ఇటీవలే రాణి ముఖర్జీ లీడ్ రోల్‌లో నటించిన మర్‌దాని 2 సినిమాలో నటించిన సంగతి తెలిసిందే.