'ఎఫ్ 3' నుంచి ‘లబ్ డబ్ డబ్బో’ లిరికల్ సాంగ్ రిలీజ్.!

Posted: 02/07/2022 07:25 PM IST

Lab dab dabboo full song lyrical from f3 movie staring venkatesh varun tej

విక్టరీ వెంకటేశ్ - మెగాప్రిన్స్ వరుణ్ తేజ్ కథానాయకులుగా 'ఎఫ్ 3' సినిమా రూపొందుతోంది. దిల్ రాజు నిర్మిస్తున్న ఈ సినిమా ఇప్పటికే చాలా వరకూ చిత్రీకరణను జరుపుకుంది. వెంకటేశ్ సరసన నాయికగా తమన్నా .. వరుణ్ తేజ్ జోడీగా మెహ్రీన్ కనువిందు చేయనున్నారు. దేవిశ్రీ ప్రసాద్ సంగీతాన్ని సమకూర్చిన ఈ సినిమా నుంచి తాజాగా ఒక లిరికల్ సాంగ్ ను రిలీజ్ చేశారు. "లబ్ డబ్ లబ్ డబ్ డబ్బూ .. ఎవరు కనిపెట్టాడోగాని దీన్ని అబ్బో .. " అంటూ ఈ పాట సాగుతోంది. చేతిలోనే క్యాషే ఉంటే ఫేసు లోకి గ్లో వస్తుంది .. ఫ్లాషు బ్యాకు చెరిపేయొచ్చు అంటూ, పైస ఉంటేనే ఈ లోకంలో అనుకున్నవన్నీ నెరవేరతాయి .. లేదంటే పక్కకి జరుగుతాయి అనే అర్థంలో ఈ పాట నడుస్తుంది.

భాస్కరభట్ల సాహిత్యాన్ని అందించిన ఈ పాటను రామ్ మిర్యాల ఆలపించగా .. భాను కొరియోగ్రఫీని అందించాడు. పాట అంతా కూడా కామెడీ ప్రధానంగానే సాగుతుంది. ఎఫ్-2లో హీరోలతో ముడివేసుకుని తిరిగిన రాజేంద్రప్రసాద్ మాత్రం ఈ పాటలో కనిపించలేదు. అయితే ఇక్కడ కమేడియన్ సునీల్ మాత్రం కనిపించడంతో ప్రేక్షకులకు నవ్వుల విందు గ్యారంటీ అని ఫిక్స్ అవుతున్నారు ప్రేక్షకులు. ఇక ఈ పాటలో చరణాలు నిజాన్ని చెబుతున్నా.. అవిపెద్దగా ప్రేక్షకులకు రుచించని విధంగా వున్నాయన్న టాక్ వినిపిస్తోంది. అనిల్ రావిపూడి దర్శకత్వం వహిస్తున్న ఈ సినిమాలో రాజేంద్రప్రసాద్ .. సునీల్ .. సంగీత కనిపించనున్నారు. ఏప్రిల్ 29వ తేదీన ఈ సినిమా ప్రేక్షకుల ముందుకు రానుంది.