'భీమ్లా నాయక్' ఆడియో రైట్స్ తో బాక్సు బద్దలైంది.!

Posted: 08/30/2021 02:24 PM IST

Pawan kalyans bheemla nayak audio rights sold at whopping cost

పవర్ స్టార్ పవన్ కల్యాణ్ - పాన్ ఇండియా నటుడు రానా దగ్గుబాటి కలసి నటిస్తున్న తొలి చిత్రం 'భీమ్లా నాయక్'. సాగర్ చంద్ర కాంబినేషన్లో రూపోందుతున్న ఈ చిత్రం మలయాళంలో భారీ విజయాన్ని అందుకున్న 'అయ్యప్పనుమ్ కోషియుమ్' సినిమాకి రీమేక్ అయినా పవన్-రానా జోడీగా వస్తున్న నేపథ్యంలో ఇప్పటికే ఈ చిత్రంపై అటు మెగా ఫాన్స్, ఇటు దగ్గుబాటి అభిమానుల్లోనూ అంచనాలు పెరిగిపోయాయి. ఇక దీనికి తోడు ఇటీవల విడుదలైన స్నీక్ పీక్ కూడా అభిమానులను ఆకట్టుకోవడంతో పాటు చిత్రంపై అంచనాలను మరింత పెంచింది. పోలీస్ ఆఫీసర్ గా పవన్ కల్యాణ్ నటిస్తున్న ఈ సినిమాలో, రానా మరో ప్రధానమైన పాత్రను పోషిస్తున్నాడు.

పవన్ సరసన నిత్యామీనన్ నటిస్తుండగా, రానా జోడీగా ఐశ్వర్య రాజేశ్ కనిపించనుంది. చిత్రీకరణ పరంగా చివరిదశకు చేరుకున్న ఈ సినిమాకి, తమన్ సంగీతాన్ని అందించాడు. ఫస్టు సింగిల్ ను పవన్ పుట్టినరోజున వదలాలనే ఆలోచనలో ఉన్నారు. ఇక ఈ సినిమా ఆడియో హక్కులను ప్రముఖ ఆడియో సంస్థ భారీ రేటుకు కొనుగోలు చేసినట్టుగా చెబుతున్నారు. ఇందుకోసం వారు 5.04 కోట్లు చెల్లించినట్టుగా తెలుస్తోంది. డ్యూయెట్లు పెద్దగా లేనప్పటికీ, సందర్భానుసారం వచ్చే పాటలు ఆకట్టుకునేలా ఉంటాయని అంటున్నారు. జనవరి 12వ తేదీన ఈ సినిమా ప్రేక్షకుల ముందుకు రానుంది.