చరణ్ లాంచ్ చేసిన సాయితేజ్ 'రిపబ్లిక్' ఫస్ట్ లుక్..

Posted: 03/25/2021 08:03 PM IST

సుప్రీంహీరో సాయి ధరమ్ తేజ్ నటిస్తున్న 'రిపబ్లిక్' చిత్రం ఫస్ట్ లుక్ పోస్టర్ ను మెగాపవర్ స్టార్ రామ్ చరణ్ ఇవాళ విడుదల చేశాడు. 'డెబై నాలుగేళ్లుగా మనం ప్రభుత్వం ఉందనే భ్రమల్లో మనం బతుకుతున్నాం. ప్రభుత్వం అంటే ఏమిటో మనం ఇంకా కనుక్కోవాల్సి ఉంది' అని పోస్టర్ పై రాసి ఉంది. భారత ప్రజాస్వామ్యం నేపథ్యంలో ఈ చిత్రాన్ని తెరకెక్కిస్తున్నారు దర్శకులు దేవా కట్టా. రోటిన్ కు భిన్నమైన కథను ఎంచుకున్న సాయి ధరమ్ తేజ్.. ఈ చిత్రాన్ని ఓకే చేసినట్టు సరిగ్గా గణతంత్ర దినోత్సవం రోజునే ప్రకటించిన విషయం తెలిసిందే.

మరోవైపు ఈ పోస్టర్ పై రామ్ చరణ్ ప్రశంసలు కురిపించాడు. పోస్టర్ ఎంతో ఆకట్టుకుందని చెప్పాడు. తన సోదరుడు సాయి ధరమ్ తేజ్, దేవా కట్ట, యూనిట్ సభ్యులందరికీ ఆల్ ది బెస్ట్ అని చెప్పాడు. పోస్టర్ ను విడుదల చేసిన రామ్ చరణ్ కు సాయి ధరమ్ తేజ్ ధన్యవాదాలు తెలిపాడు. పోస్టర్ ను లాంచ్ చేస్తావా? అని అడిగిన క్షణంలోనే ఓకే చెప్పేస్తాడని అనుకోలేదని చెప్పాడు. నీ సపోర్ట్ నాకు ఎంతో గొప్పదని కొనియాడాడు. ఈ చిత్రంలో సాయి ధరమ్ తేజ్ ఐఏఎస్ అధికారి పాత్రలో మెరియనున్నారని సమాచారం.

ఈ చిత్రంలో ప్రముఖ నటి ఐశ్వర్య రాజేశ్, సీనియర్ నటుడు జగపతి బాబు, సీనియర్ నటి రమ్యకృష్ణ, సుబ్బరాజు, రాహుల్ రామకృష్ణ, సాయిధీనా తదితరలు కీలక పాత్రను పోషిస్తున్నారు. ఈ చిత్రాన్ని జే.భగవాన్, జే పుల్లారావులు సంయుక్తంగా జేబి ఎంటర్ టైన్మెంట్స్ పతాకంపై నిర్మిస్తున్నారు. విభిన్నమైన కథను ఎంచుకుని దేవా కట్టా దర్శకత్వంలో ఈ చిత్రం ఫస్ట్ లుక్ తోనే ప్రభుత్వంపై సెటైరికల్ కోట్ తో అంచనాలను అందుకుంటోంది.