నందమూరి కళ్యాణ్ రామ్ నెక్స్ట్ ప్రాజెక్ట్ టైటిల్ ఫిక్స్.!

Posted: 02/13/2021 07:59 PM IST

Kalyanram s next titled agent vinod kalyanram news

వైవిధ్యమైన సినిమాలను ఎంచుకునే వాటిలో తన నటను ప్రదర్శించేందుకు ఆసక్తి చూపించే కథానాయకుల్ల్లో నందమూరి కల్యాణ్‌ రామ్ ఒకరు. ఈ నందమూరి హీరో త్వరలోనే భారీ బడ్జెట్ తో రూపొందబోయే పీరియడ్‌ డ్రామాలో నటించబోతున్నాడన్న విషయం తెలిసిందే. అయితే ఈ చిత్రానికి ఫిల్మ్ యూనిట్ ఇవాళ టైటిల్ ను కూడా ఖరారు చేసింది. కల్యాణ్ రామ్ నటిస్తున్న స్పై, సస్పెన్స్ థ్రిల్లర్ చిత్రం పేరు 'ఏజెంట్‌ వినోద్‌'గా చిత్రబృందం ఖారారు చేసింది. ఈ చిత్రానికి 'బాబు బాగా బిజీ' ఫేమ్‌ నవీన్‌ మేడారం ఈ సినిమాను రూపోందించనున్నారు.

ఇప్పటి వరకు పీరియాడికల్‌ మూవీలో నటించని నందమూరి కల్యాణ్‌రామ్‌ కథ వినగానే వెంటనే ఓకే చెప్పేశాడట. 1940 బ్యాక్ డ్రాప్‌లో ఈ స్పై థ్రిల్లర్‌ రూపొందనుంది. ఈ చిత్రం షూటింగ్ కోసం రెండు భారీ సెట్లు నిర్మాణం జరుగుతుందని, అక్కడే అధిక శాతం చిత్రం షూటింగ్ జరగనుందని సమాచారం. ప్రస్తుతం స్క్రిప్ట్‌ వర్క్‌తో పాటు ప్రీ ప్రొడక్షన్‌ పనులు శరవేగంగా జరుగుతున్నాయి. ఈ సినిమా మేకింగ్‌లో వీఎఫ్‌ఎక్స్‌ కీలకంగా మారనుందట. ప్రస్తుతం కల్యాణ్‌రామ్‌ మల్లిడి వేణు సినిమాను పూర్తి చేసే పనిలో ఉన్నారు.