తారక్ అభిమానులను నిరాశకు గురిచేసిన ఆర్ఆర్ఆర్ టీం

Posted: 05/18/2020 02:52 PM IST

Rrr makers have this news for jr ntr fans 2 days ahead of his birthday

దర్శకదిగ్గజం రాజమౌళి దర్శకత్వంలో మెగాపవర్ స్టార్ రామ్ చరణ్, యంగ్ టైగర్ జూనియర్ ఎన్టీఆర్ హీరోలుగా తెరకెక్కుతున్న భారీ బడ్జెట్ పాన్ ఇండియా చిత్రం రణం, రౌద్రం, రుధిరం (ఆర్ఆర్ఆర్‌) రూపోందుతున్న విషయం తెలిసిందే. తారక్ పుట్టిన రోజును పురస్కరించుకుని అభిమానులు ఎంతగానో ఎదురుచూస్తున్న గ్లిప్స్ విషయమై తాజాగా ఓ ప్రకటన వచ్చింది. తారక్ బర్త్ డే సందర్భంగా ఓ ప్రత్యేక వీడియో, ఆయన ఫస్ట్ లుక్‌ విడుదల చేయాలని ఆ సినిమా బృందం నిర్ణయించిన విషయం తెలిసిందే.

యంగ్ టైగర్ ఎన్టీఆర్ ఈ చిత్రంలో కొమరం భీమ్ పాత్రను పరిచయం చేస్తూ మే 20న వీడియోను రిలీజ్ చేస్తారని ఆశ పడిన అభిమానులను నిరాశే మిగిలింది. 'లాక్‌డౌన్‌ను మరోసారి పొడిగించారు.. పనులు ఆగిపోయాయి.. అయినప్పటికీ మేము వీలైనంత ప్రయత్నించాం. తారక్ బర్త్ డేకి ట్రీట్‌ ఇవ్వాలని భావించాం. కానీ, ‌వీడియోకు సంబంధించిన పనులు పూర్తి చేయలేకపోయాం' అంటూ ఆర్‌ఆర్‌ఆర్‌ ప్రకటన చేసింది. దీంతో ఎన్టీఆర్‌ బర్త్‌ డేకు వీడియోగానీ, ఫస్ట్‌లుక్‌ గానీ విడుదల చేయట్లేదని స్పష్టం చేసింది. ఇందుకు ప్రధానంగా లాక్ డౌన్ కారణమని తెలిపింది.

అయితే తమ నిర్ణయంతో ఎన్టీఆర్ అభిమానులు నిరాశకు గురవుతున్నారన్న విషయం తమకు తెలుసునన్న ఆర్ఆర్ఆర్ టీమ్.. ఇలా ఏదో ఒకటి విడుదల చేసేయాలన్నది తమకు ఇష్టం ఉండదని, మీ ఎదురుచూపులకు తగ్గా రీతిలో అది ఉంటుందని ప్రామిస్ చేస్తున్నామని పేర్కొంది. అది ఎప్పుడు వచ్చినా, మనందరికీ ఒక పెద్ద పండగలా ఉంటుందని మాత్రం కచ్చితంగా చెప్పగలమని 0తెలిపింది. అయితే, ఈ ప్రకటనపై ఎన్టీఆర్‌ అభిమానులు మండిపడుతూ కామెంట్లు చేస్తున్నారు.