చిరంజీవి ‘సైరా’ టైటిల్ వీడియో సాంగ్ ట్రెండింగ్..!

Posted: 10/01/2019 11:00 AM IST

మెగాస్టార్ చిరంజీవి తొలిసారిగా నటిస్తున్న చారిత్రాక చిత్రం ‘సైరా’ సినిమా విడుదలకు మరికోన్ని గంటల సమయం మాత్రమే వుంది. ఇప్పటికే టీజర్, ట్రైలర్ విడుదలతో ఈ చిత్రంపై అభిమానుల్లో భారీ అంచనాలు వున్నాయి. అయితే తెలుగుతో పాటు దక్షిణాది బాషలతో పాటుగా అటు హిందీలోనూ ఈ చిత్రం విడుదల కానున్న నేపథ్యంలో యావత్ భారత దేశ ప్రేక్షకులు ఈ చిత్రం ఎప్పుడెప్పుడు విడుదల అవుతుందా అంటూ వేచిచూస్తున్నారు.

తొలితరం స్వతంత్ర సమరయోధుడు ఉయ్యాలవాడ నరసింహారెడ్డి జీవిత కథను ఆధారంగా చేసుకుని రూపోందిన ఈ చిత్రంపై ఇటు మోగా ఫ్యాన్స్ లనూ అంచనాలు భారీగా పెరిగాయి. దీనికి తోడు చిరంజీవి చిత్రం, అందులనూ చారిత్రక నేపథ్యం వున్న చిత్రం కావడంతో అటు ఫ్యామిలీ అడియన్స్, ఇటు దేశభక్తిపరులు కూడా చిత్రం ఎప్పుడు విడుదల అవుతుందా అని వేచి చూస్తున్నారు.

కాగా, గాంధీ జయంతి రోజున ప్రపంచవ్యాప్తంగా విడుదలకు సిద్దమైన ఈ చిత్రాన్ని ప్రమోట్ చేయడంలో చిత్ర యూనిట్ ఎప్పటికప్పుడు తన ప్లాన్ ప్రకారం అన్ని చేస్తూనే వుంది. ఈ క్రమంలో తాజాగా ఈ చిత్రం నుంచి టైటిల్ వీడియో సాంగ్ ను విడుదల చేసింది,  నరసింహారెడ్డి గొప్పతనాన్ని తమన్నా, నయనతార కీర్తిస్తున్న సందర్భంలో సాగే ఈ పాటను భారీస్థాయిలో చిత్రీకరించారు. కొరియోగ్రఫీ కూడా కళ్లుచెదిరేలా ఉంది.

సాంగ్ సోషల్ మీడియా రికార్డులు బద్దలు కొడుతూ.. టాప్ లో ట్రెండింగ్ అవుతోంది. ‘పవిత్ర ధాత్రి భారతాంబ ముద్దుబిడ్డవౌరా.. ఉయ్యాల వాడ నారసింహుడా.. చరిత్ర పుటలు విస్మరించ వీలులేని వీరా.. రేనాటి సీమ కన్న సూర్యుడా.. నింగి శిరసు వంచి.. నమోస్తు నీకు అనగా.. నవోదయానివై జనించినావురా.. ఓ సైరా… ఓ సైరా…’ అంటూ సాగుతుంది. ఈ పాటను సిల్వర్ స్ర్కీన్ పై డాల్బీ డిజిటల్ సౌండ్ సిస్టమ్ లో వింటే రోమాలు నిక్కపోడుచుకోవడం ఖాయం.

అంటూ సాగే ఈ పాట వీడియో చూస్తుంటే గూస్ బంప్స్ ఖాయం. ‘దాస్యాన జీవించి ఉండటం కన్నా చావెంత మేలంది నీ పౌరుషం’ అంటూ పవర్ ఫుల్ లిరిక్స్ రాశారు లెజెండరీ రైటర్ సిరివెన్నెల సీతారామశాస్త్రి. అమిత్ త్రివేది కంపోజిషన్ లో … సునీధీ చౌహాన్, శ్రేయాఘోషల్ ఈ పాటను పాడారు. పాటలో చూపించిన సన్నివేశాలు… అత్యున్నతంగా ఉన్న మూవీ స్టాండర్డ్స్ ను చెబుతున్నాయి. రామ్ చరణ్ నిర్మాణంలో.. సురేందర్ రెడ్డి దర్శకత్వంలో వహించిన ఈ సినిమా హిందీ, తెలుగు, తమిళ, కన్నడ, మలయాళ భాషల్లో విడుదలవుతోంది.