తెలుగు పరిశ్రమలో మరో విషాదం అలుముకుంది. ప్రముఖ నటుడు దేవదాస్ కనకాల కన్నుమూశారు. అనారోగ్యంతో కొండాపూర్ లోని కిమ్స్ ఆసుపత్రిలో చికిత్స పొందుతున్న ఆయన ఇవాళ తుదిశ్వాస విడిచారు. తన సతీమణి లక్ష్మీ పరపమదించి ఏడాది కూడా గడవకముందే ఆయన కూడా అనారోగ్యం బారిన పడి మరణించడం టాలీవుడ్ లోని ప్రముఖుల్ని శోకసంద్రంలో ముంచింది. తన భార్యపై దిగులుతోనే ఆయన కూడా అనారోగ్యం బారిన పడ్డారని సన్నిహిత వర్గాలు తెలిపాయి.
దేవదాస్ కనకాల తనయుడు రాజీవ్ కనకాల టాలీవుడ్ లో పేరున్న నటుడు కాగా, ఆయన కోడలు సుమ అగ్రశ్రేణి యాంకర్ గా పేరుతెచ్చుకున్నారు. 1945 యానాంలో జన్మించిన దేవదాస్ కనకాల నటుడిగానే కాకుండా, నటనా శిక్షకుడిగా సైతం ఎంతో గుర్తింపు తెచ్చుకున్నారు. తన అర్ధాంగితో కలిసి యాక్టింగ్ ఇన్ స్టిట్యూట్ పెట్టి అనేకమందిని చిత్ర పరిశ్రమకు అందించారు. నటుడిగా సిరిసిరిమువ్వ, గోరింటాకు, మంచుపల్లకి వంటి చిత్రాలతో ప్రేక్షకులకు దగ్గరయ్యారు.
దేవదాస్ కనకాల చివరగా నటించింది సూపర్ స్టార్ మహేష్ బాబు నటించిన 'భరత్ అనే నేను'లో.. ఈ చిత్రం సూపర్ హిట్ అయిన విషయం తెలిసిందే. కాగా దేవదాస్ కనకాల మృతి పట్ల తెలుగు సినీపరిశ్రమకు చెందిన ప్రముఖులు తమ సంతాపాన్ని తెలిపారు. అగ్రహీరో చిరంజీవి నుంచి ప్రముఖ దర్శకులు, నిర్మాతలు, నటులు, జూనియర్ ఆర్టిస్టులు, ఇలా చిత్రసీమతో అనుబంధమున్న అనేకమంది దేవదాస్ కనకాలకు తమ సంతాపాన్ని తెలిపారు. పలువురు నటులు రాజీవ్ కనకాలకు, సుమ సహా కుటుంబసభ్యులకు తమ సానుభూతిని వ్యక్తం చేశారు.
దేవదాస్ కనకాల మృతి పట్ల టీడీపీ అధినేత చంద్రబాబు తీవ్ర దిగ్ర్భాంతి వ్యక్తం చేశారు. దేవదాస్ కనకాల తాను నటుడిగా రాణించడమే కాకుండా, ఎంతోమందిని ఉత్తమ నటులుగా తీర్చిదిద్ది చిత్ర పరిశ్రమకు అందించారని చంద్రబాబు ట్వీట్ చేశారు. ఆయన మరణం కళారంగానికి తీరని లోటు అని పేర్కొన్నారు. ఈ విషాద సమయంలో దేవదాస్ కనకాల కుటుంబ సభ్యులకు సానుభూతి తెలియజేస్తూ.. ఆయన ఆత్మకు శాంతి చేకూరాలని కోరుకుంటున్నానని తన ట్వీట్ లో పేర్కొన్నారు.
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more