మెగా ఫ్యాన్స్ కు గుడ్ న్యూస్.. తర్వలో పట్టాలెక్కనున్న చిరు-కొరటాల చిత్రం.!

Posted: 04/29/2019 10:33 PM IST

తొలితరం స్వాతంత్ర్య సమరయోధుడు ఉయ్యాలవాడ నరసింహారెడ్డి జీవితానికి సంబంధించిన అంశాలతో రూపొందుతున్న సైరా నరసింహారెడ్డి చిత్రం షూటింగ్ లో మెగాస్టార్ చిరంజీవి బిజీగా వున్నారు. సురేందర్ రెడ్డి దర్శకత్వం వహిస్తోన్న ఈ సినిమా, ఇప్పటికే చాలావరకూ చిత్రీకరణను జరుపుకుంది. కీలక సన్నివేశాలు ప్రస్తుతం కేరళలో షూటింగ్ జరుపుకుంటున్న విషయం తెలిసిందే. ఈ చిత్రంపై అప్పుడే మెగా ఫాన్స్ లో భారీ అంచనాలు వున్నాయి.

చిత్రంలో చిరంజీవితో పాటు బాలీవుడ్ బిగ్ బి అమితాబ్ బచ్చన్ కూడా నటించనుండటం.. వీరికి తోడు నయనతార, తమన్నా, విజయ్ సేతుపతి సహా భారీ తారాగణం నటిస్తున్న నేపథ్యంలో ఈ చిత్రం అందరి అంచనాలకు మించే విధంగా దర్శకుడు సురేంద్రబాబు రూపోందిస్తున్నారు. ఇక ఈ చిత్రానికి మెగాస్టార్ తనయుడు మెగాపవర్ స్టార్ రాంచరణ్ తేజ్ నిర్మాతగా వ్యవహరిస్తున్నారు. దీంతో ఎక్కడా రాజీ పడకుండా చిత్రషూటింగ్ వేగంగా సాగుతుంది.

ఈ తరుణంలో చిరంజీవి తదుపరి సినిమాపై కూడా అభిమానులు దృష్టి పెట్టారు. చిరంజీవి నెక్స్ట్ మూవీ కొరటాలతో వున్న సంగతి తెలిసిందే. ఇప్పటికే స్క్రిప్ట్ వర్క్ ను పూర్తి చేసిన కొరటాల ఈ సినిమాను ఆగస్టులో మొదలుపెట్టనున్నట్టు తెలుస్తోంది. పెద్ద గ్యాప్ లేకుండా రెగ్యులర్ షూటింగును మొదలుపెడతారని అంటున్నారు. వినోదంతో పాటు సందేశంతో కూడిన కథగా ఈ సినిమా సాగుతుందని చెబుతున్నారు. కథానాయికలుగా తమన్నా .. శ్రుతిహాసన్ పేర్లు వినిపిస్తున్నాయిగానీ, ఇంకా క్లారిటీ రాలేదు. సునీల్ .. అనసూయ ముఖ్యమైన పాత్రల్లో కనిపించనున్నారనే టాక్ మాత్రం వినిపిస్తోంది. త్వరలోనే పూర్తి వివరాలు తెలియనున్నాయి.