ఆర్ఆర్ఆర్ సెకెండ్ షెడ్యూల్ స్టార్ట్.. అర్రీ లెన్సులతో..

Posted: 01/21/2019 07:02 PM IST

Rrr second schedule rajamouli ram charan jr ntr starts work

దర్శకధీరుడు ఎస్‌.ఎస్‌ రాజమౌళి దర్శకత్వంలో రాంచరణ్‌, ఎన్టీఆర్‌ కాంబినేషన్లో ఓ భారీ మల్టీస్టారర్‌ తెరకెక్కుతున్న సంగతి తెలిసిందే. నవంబర్లో మొదలైన మొదటి షెడ్యూల్‌ ఇటీవల పూర్తైంది. కాగా ఈ చిత్రం ఇవాళ్టి నుంచి రెండో భారీ షెడ్యూల్ ను ప్రారంభించబోతున్నారు. ఈ విషయాన్ని చిత్రవర్గాలు సామాజిక మాధ్యమాల ద్వారా వెల్లడించాయి. ఈ చిత్రానికి రామరావణ రాజ్యం టైటిల్ ను కూడా ఖారారు చేసిననట్లు వార్తలు అందుతున్నాయి.

డీవీవీ ఎంటర్టైన్మెంట్స్‌ బ్యానర్ పై దాదాపు రూ.300 కోట్ల బడ్జెట్ తో దానయ్య ఈ చిత్రానికి నిర్మాతగా వ్యవహరిస్తున్నారు. ఎంఎం కీరవాణి సంగీతం అందిస్తున్నారు. విజయేంద్ర ప్రసాద్‌ ఈ చిత్రానికి కథ అందించారు. కథానాయికల వివరాలు, ఇతర తారాగణానికి సంబంధించిన వివరాలు ఇంకా ప్రకటించలేదు. రాజమౌళి ప్రాజక్టు అనగానే తెలుగు ప్రేక్షకులలో భారీ అంచనాలు నెలకొనడం తెలిసిందే.

ఇందులో బాలీవుడ్‌ భామ అదితి రావు హైదరిని ఓ కథానాయికగా ఎంపిక చేసుకోవాలని చిత్రబృందం భావిస్తోందట. సినిమా చిత్రీకరణను త్వరగా పూర్తిచేయాలని రాజమౌళి భావిస్తున్నట్లు ఫిలిం వర్గాల సమాచారం. ఈ చిత్రం కోసం చరణ్‌, తారక్ లను రాజమౌళి పది నెలలు సమయం అడిగినట్లు తెలుస్తోంది. ఇందుకు వారు కూడా ఒప్పుకొన్నారని, ‘ఆర్‌ ఆర్‌ ఆర్‌’ పూర్తయ్యేవరకు మరో సినిమా చిత్రీకరణను మొదలుపెట్టరని టాలీవుడ్‌ వర్గాల సమాచారం.