సమంత యూటార్న్ విజయవంతమైందా.?

Posted: 08/17/2018 07:41 PM IST

‘నేను ఈ రకంగా బార్ కౌంటర్‌లో ఇన్ని శబ్ధాల మధ్య ఇలా కూర్చుంటానని ఎప్పుడూ అనుకోలేదు. ఈ ఐదు రోజులు నా లైఫ్‌లో జరిగిందంతా నిజమా అబద్ధమా?’ అంటూ యూటర్స్ మూవీ ట్రైలర్‌తో వచ్చేసింది సమంత. కన్నడలో సూపర్ హిట్ అయిన ‘యూటర్న్’ మూవీని తెలుగులో అదే పేరుతో తెరకెక్కించారు. ఈ మూవీ ట్రైలర్‌ను శుక్రవారం నాడు విడుదల చేశారు. మిస్టరీ థ్రిల్లర్ సబ్జెక్ట్‌తో తెరకెక్కిన ఈ మూవీలో సమంత జర్నలిస్ట్‌గా కనిపించనుంది.

కన్నడ వెర్షన్‌కు దర్శకత్వం వహించిన పవన్ కుమార్ ఈ సినిమా తెలుగు, తమిళ వెర్షన్‌లకు దర్శకుడిగా వ్యవహరిస్తున్నారు. ఆర్కేపురం ఫ్రై ఓవర్ మీద జరిగిన ఆక్సిడెంట్‌ చుట్టూ ఈ కథ తిరుగుతుందిని ట్రైలర్‌ని బట్టి అర్ధమౌతోంది. ఆది పినిశెట్టి ఇన్వెస్టిగేషన్ అఫీసర్‌గా కనిపిస్తున్నారు. భూమిక , అది పినిశెట్టి , రాహుల్ రవీంద్రన్ ముఖ్య పాత్రల్లో నటిస్తున్నారు. శ్రీనివాస సిల్వర్ స్క్రీన్ పతాకం ఫై శ్రీనివాస్ చిట్టూరి నిర్మిస్తున్న ఈచిత్రానికి పూర్ణ చంద్ర తేజస్వి సంగీతం అందిస్తున్నారు. ఈ మూవీలో సమంత పాత్రకు సొంతంగా డబ్బింగ్ చెప్పుకోవడమే కాకుండా చిత్ర నిర్మాణంలోనూ భాగస్వామ్యంగా ఉన్నారు.