డాన్సింగ్ అంకుల్ మరో వీడియో.. స్టెపులు అదుర్స్

Posted: 07/06/2018 04:40 PM IST

అచ్చం బాలీవుడ్‌ హీరో గోవిందా స్టెపులేసి.. యాభై ఏళ్ల వయస్సులో కూడా ఏక్కడా ఏ మాత్రం తడబాటు లేకుండా ఇరవైయేళ్ల కుర్రాడి మాదిరిగా డాన్సు వేసి.. రాత్రికి రాత్రే పాపులర్ కావడంతో పాటు.. అన్ లైన్ సంచలనంగా మారిన డాన్సింగ్ అంకుల్ గుర్తున్నాడుగా. హుషారుగా డ్యాన్స్ చేసిన ఆ డాన్సింగ్ అంకుల్ సంజీవ శ్రీవాత్సం.. అతను ఒక ఫ్రోఫెసర్. అలాంటి ఆయన ఓ టీవీ  షోలో కనబడి.. అచ్చంగా గొవిందా డాన్సు చేయడంతో పాటు.. తాను గోవిందాకు వీరాభిమానని కూడా ప్రకటించుకున్నాడు.

దీంతో బాలీవుడ్ హీరో గొవింగా కూడా డాన్సింగ్ అంకుల్ శ్రీవాత్సవ డాన్సింగ్ వీడియోపై స్పందించారు. తనకు సంజీవ శ్రీవాత్సవను చూస్తే ఈర్ష్య కలుగుతుందని, ఈ వయస్సులోనూ ఆయన చక్కగా డాన్సు వేశాడని కితాబిచ్చిన గోవింద.. మరుసటి ఓ షోలో ఏకంగా శ్రీవాత్సవను కలసి షేక్ హ్యండ్ ఇచ్చి.. అతనితో పాటు పాటకు స్టెప్పులేశారు కూడా. దీంతో అటు టీవీ ప్రేక్షకుల ఆదరణతో పాటు నెట్ జనుల అభిమానాన్ని కూడా సంపాదించుకున్న డాన్సింగ్ అంకుల్ మరోమారు వార్తల్లోని వ్యక్తిగా మారారు.

ఈ సారి ఎందుకు వచ్చారనేగా మీ డౌట్.? తాజాగా మరోసారి డ్యాన్స్‌ చేసి అలరించారు ఈ  భోపాల్‌కు చెందిన ఫ్రోఫెసర్ సంజీవ్ శ్రీవాత్సవ అలియాస్ డాన్సింగ్ అంకుల్. ఈ సారి బాలీవుడ్‌ డ్యాన్సింగ్‌ కింగ్‌ హృతిక్‌ రోషన్ లా డ్యాన్స్‌ చేశారు. 'కహో నా ప్యార్‌ హై' అనే పాటకు హుషారెత్తించే స్టెప్పులు వేసి 'డ్యాన్స్‌ కే మహదేవ్‌ హృతిక్‌ రోషన్‌'కు అంకితమిస్తున్నానని పేర్కొన్న ఆయన.. తన ట్విట్టర్‌ ఖాతాలో ఈ వీడియోను పోస్ట్ చేశారు. అది కాస్తా ఇప్పుడు నెట్టింట్లో వైరల్ గా మారింది. ఇక ఇప్పుడు ఆయన మరింత వేగంగా స్టెపులేసి అదరగొట్టారు.

डान्स के महादेव @iHrithik को ये विडीओ अर्पित।#sanjeevshrivastva #dancinguncle pic.twitter.com/qPU3GV8FZS

— Sanjeev Shrivastava (@DabbutheDancer) July 3, 2018