అల్లుడి కోసం రంగంలోకి దిగిన రమ్యకృష్ణ

Posted: 06/08/2018 04:40 PM IST

Ramya krishnan on track for sailaja reddy alludu

సవ్యసాచి చిత్రం షూటింగ్ లో బిజీబిజీగా గడిపిన నాగ చైతన్య.. కాసింత విరామం కూడా లేకుండా అప్పుడే మారుతి దర్శకత్వంలో రూపొందుతున్న చిత్రం శైలజా రెడ్డి అల్లుడు చిత్ర షూటింగ్ లో బిజీకానున్నాడు. నాగచైతన్య .. అనూ ఇమ్మాన్యుయేల్ జంటగా రూపోందుతున్న ఈ చిత్రంలో రమ్యకృష్ణ 'శైలజా రెడ్డి’గా కీలకమైన పాత్రలో నటిస్తున్న విషయం తెలిసిందే. సూర్యదేవర నాగవంశీ నిర్మిస్తోన్న ఈ సినిమా ఇప్పటికే 50 శాతం చిత్రీకరణను పూర్తిచేసుకుంది. మిగతా 50 శాతం చిత్రీకరణకు పక్కాగా ప్లాన్ చేశారు.

ఈ నెల 18వ తేదీ నుంచి హైదరాబాద్ .. రామోజీ ఫిల్మ్ సిటీలో తదుపరి షెడ్యూల్ షూటింగును జరపనున్నారు. 15 రోజుల పాటు ఇక్కడ చిత్రీకరణ కొనసాగుతుంది. సొగసరి అత్తగా .. గడసరి అల్లుడుగా ఈ సినిమాలో రమ్యకృష్ణ .. చైతూ మధ్య ఆసక్తికరమైన సన్నివేశాలు వున్నాయి. మాస్ ఆడియన్స్ చేత విజిల్స్ వేయించే ఆ సన్నివేశాలను ఈ షెడ్యూల్లో చిత్రీకరిస్తారట. గోపీసుందర్ సంగీతాన్ని అందించిన ఈ సినిమాను .. ఆగస్టు చివరివారంలో విడుదల చేయాలనే ఆలోచనలో వున్నారు.