మరో వారంలో ‘రాజుగాడు’ వచ్చేస్తున్నాడహో..!

Posted: 05/24/2018 07:19 PM IST

Raj taruns raju gadu to hit theaters on june 1st

యంగ్ హీరో రాజ్ తరుణ్ కథానాయకుడిగా 'రాజుగాడు' సినిమా త్వరలో రిలీజ్ డేట్ ఫిక్స్ అయ్యింది. నూతన దర్శకురాలు సంజనా రెడ్డి రూపోందిస్తున్న ఈ సినిమాలో అమైరా దస్తూర్ కథానాయికగా నటించింది. వరుసగా ఈడోరకం, వాడోరకం, కిట్టుగాడు వున్నాడు జాగ్రత్తా, అంధగాడు హ్యాట్రిక్ చిత్రాలు విజయవంతమైన తరువాత తన కెరీర్ లో మరో రోమాంటిక్ చిత్రంతో వస్తున్నాడు రాజ్ తరుణ్. దీంతో ఈ చిత్రం తప్పక హీట్ అవుతుందని పూర్తి విశ్వాసంతో వున్నాడు. కామెడీతో పాటు యువతను అకర్షించే అన్ని ఎలిమెంట్స్ ఈ చిత్రంలో పుష్కలంగా వున్నాయని ధీమా వ్యక్తం చేస్తున్నాడు.

ఎ.కె.ఎంటర్ టైన్మెంట్స్ పతాకంపై రామబ్రహ్మం సుంకర నిర్మిస్తున్న ఈ చిత్రం జూన్ 1న విడుదల కానుంది. అయితే ఈ చిత్రం గురించ మరో ఇంట్రెస్టింగ్ పాయింట్ కూడా సోషల్ మీడియాలో వైరల్ అవుతుంది. హీరోకి ఓ వ్యాది వుందని, దాని వల్ల తనకు తెలియకుండానే చిన్న చిన్న దొంగతనాలు చేసే ఒక వింత వ్యాధి లక్షణం కలిగినవాడిగా రాజ్ తరుణ్ ఈ సినిమాలో కనిపిస్తాడట. అతనికి గల ఈ వ్యాధి కారణంగా ఆయనకి ఎలాంటి పరిస్థితులు ఎదురవుతాయనే ఆసక్తికరమైన కథా కథనాలతో ఈ సినిమా నిర్మితమైంది.

ఈ పాయింట్ ను ఆధారంగా చేసుకునే ఈ సినిమా పూర్తి వినోదభరితంగా కొనసాగుతుందట. రామబ్రహ్మం సుంకర నిర్మించిన ఈ సినిమాను జూన్ 1వ తేదీన విడుదల చేయనున్నారు. గోపీసుందర్ అందించిన సంగీతం ఈ సినిమాకి ప్రత్యేక ఆకర్షణగా నిలుస్తుందని అంటున్నారు. డిఫరెంట్ కాన్సెప్ట్ తో రూపొందిన ఈ సినిమా తప్పకుండా హిట్ తెచ్చిపెడుతుందనే నమ్మకంతో రాజ్ తరుణ్ వున్నాడట.