పూరి అకాష్ కెమెరా ముందుకు వస్తే..: నేహాశెట్టి

Posted: 05/01/2018 02:55 PM IST

ప్రముఖ దర్శకుడు పూరీ జగన్నాథ్ ఎందరో హీరోలను ఎలివేట్ చేసే చిత్రాలకు దర్శకత్వం వహించిన విషయం తెలిసిందే. దీంతో ఆయన దర్శకత్వంలోనే ఆయన తన తనయుడు ఆకాశ్ ను హీరోగా ఎంచుకుని 'మెహబూబా' అనే రోమాంటిక్ చిత్రాన్ని రూపొందిస్తున్నాడు. రమారమి చిత్రానికి సంబంధించిన షూటింగ్ సహా రీరికార్డింగ్ పనులను పూర్తి చేసుకున్న ఈ ఈ ప్రేమకథా చిత్రం ఈనెల 11వ విడుదల సిద్దంగా వుంది. ప్రస్తుతం పోస్టు పోడ్రక్షన్స్ పనులలో బిజీగా వుంది చిత్ర నిర్మాణ సంస్థ. ఈ సినిమాలో కథానాయికగా నటించిన నేహా శెట్టి ఈ చిత్రానికి సంబంధించిన పలు అంశాలను తాజాగా మీడియాతో పంచుకుంది.

పూరీ జగన్నాథ్ సినిమాతో తెలుగు తెరకి పరిచయం కావడం ఎంతో ఆనందంగా వుంది. ఈ సినిమాలో హీరోయిన్ రోల్ కోసం ఆడిషన్స్ జరుగుతున్నాయని తెలిసి వెళ్లానని తెలిపింది. ఆడిషన్స్ తరువాత పూరీ గారు నన్ను ఎంపిక చేశారు. ఆకాశ్ తో కలిసి నటించడం సంతోషంగా వుంది. సెట్లో ఆయన చాలా సరదాగా వుంటాడు. కెమెరా ముందుకు వచ్చాడంటే మాత్రం.. పాత్రలో పూర్తిగా ఇన్వాల్వ్ అవుతాడు. ఆ సమయంలో ఆయన చాలా సీరియస్ గా పాత్రపైనే దృష్టిపెడతాడు. ఈ సినిమా తప్పకుండా హిట్ కొడుతుందనే నమ్మకం వుంది" అంటూ ఆనందాన్ని వ్యక్తం చేసింది.