మణికర్ణిక చిత్ర షూటింగ్ కు గుమ్మడికాయ కోట్టేశారు..

Posted: 03/30/2018 01:03 PM IST

Manikarnika it is a wrap for kangana ranaut

200 కోట్ల క్లబ్ లో ఓ సినిమా చేరడమంటే బాలీవుడ్ అయినా కొంత కష్టమే.. అయితే అలాంటిది రెండు వందల కోట్ల రూపాయల బడ్జెట్ తో ఓ చిత్రం రూపొందుతుందంటే.. ఇక ఆ చిత్రంపై అంచనాలు ఎంతలా వుంటాయో ఏమోగానీ.. ఈ వార్తను వినడంతోనే ప్రేక్షకులు విస్మయానికి గురవుతున్నారు. విభిన్న చిత్రాలను రూపోందించడంలో అందవేసిన చేయిగా పేరొందిన దర్శకుడు క్రిష్ ఈ చిత్రానికి దర్శకత్వం వహిస్తున్నాడంటే.. తెలుగువారు మాత్రం సంతోషపడతున్నారు.

ఓ తెలుగు దర్శకుడు బాలీవుడ్ రంగంలోకి ఎంట్రీ ఇచ్చి.. తన సత్తా చాటుకోవడం.. అందులోనూ భారీ బడ్జట్ చిత్రంలో నటించడం అంత అశామాశీ మాటేం కాదని అంటున్నారు. ఇటీవల బాలకృష్ణతో గౌతమీపుత్ర శాతకర్ణి చిత్రాన్ని రూపోందించడతో ఆయనకు ఈ అవకాశం వచ్చి చేరిందని కూడా సినీవర్గాల టాక్. అయితే ఇది కూడా చారిత్రక నేపథ్యమున్న చిత్రమేనా..? అంటే అవుననే చెప్పాలి. వీరనారి ఝాన్సీ లక్ష్మీబాయి జీవితచరిత్ర ఆధారంగా హిందీలో 'మణికర్ణిక' చిత్రం రూపొందుతోంది. ఈ సినిమాలో టైటిల్ రోల్ ను కంగనా రనౌత్ పోషిస్తోంది.

తాజాగా విడుదలైన ఆమె లుక్ కి భారీస్థాయిలో ప్రశంసలు దక్కుతుండటం విశేషం. అయితే ఈ చిత్రానికి 60 నుంచి 70 కోట్ల వరకూ ఖర్చుచేస్తూ ఉండొచ్చని అంతా అనుకున్నారు. కానీ ఈ సినిమా బడ్జెట్ 200 కోట్లు అని చెబుతూ అందరికీ షాక్ ఇచ్చింది కంగనా రనౌత్. ఒక టీవీ కార్యక్రమానికి హాజరైన ఆమె .. ఈ సినిమాను గురించి ప్రస్తావిస్తూ ఈ విషయం చెప్పింది. కథానాయిక ప్రాధాన్యత కలిగిన సినిమాలను 100 కోట్ల బడ్జెట్ లో చేయడానికే బాలీవుడ్ దర్శక నిర్మాతలు ఆలోచన చేస్తారు. అలాంటిది 'మణికర్ణిక'కి ఈ స్థాయిలో ఖర్చు చేస్తున్నట్టు కంగనా చెప్పడమే ఇప్పుడు అక్కడ హాట్ టాపిక్ గా మారింది.

కొద్ది రోజులుగా ఈ మూవీ జోథ్‌పూర్‌లో షూటింగ్ జ‌రుపుకుంటుంది. గురువారంతో చిత్రీక‌ర‌ణ పూర్తి చేసుకుంది. శ‌ర‌వేగంగా పోస్ట్ ప్రొడ‌క్ష‌న్ కార్య‌క్ర‌మాలు పూర్తి చేసి ఏప్రిల్‌లో మూవీ రిలీజ్‌కి ప్లాన్ చేస్తున్నారు. భారతీయ మహిళలందరు గర్వించేలా తీస్తున్న ఈ మూవీ పై కొందరు ప్రచారం కోసమే ఇలాంటి వార్తలు సృష్టిస్తున్నారు. అసలు వీరనారిపై ఇలాంటి విమర్శలేంటి. శత్రువులు చుట్టుముట్టినప్పుడు ఆమె చూపిన వీరపరాక్రమం గురించి సినిమాలో చూపిస్తున్నామని కంగనా అన్నారు.