సెన్సార్ పూర్తి చేసుకున్న ‘‘రంగస్థలం’’

Posted: 03/26/2018 07:28 PM IST

Rangasthalam censored gets ua certificate

మెగా పవర్ స్టార్ రామ్ చరణ్ తేజ్ హీరోగా రూపొందిన ‘రంగస్థలం’ చిత్రం ఈ నెల 30న తెలుగు ప్రేక్షకుల ముందుకు రానున్న నేపథ్యంలో ఈ చిత్రానికి ఇవాళే సెన్సార్ బోర్డు కార్యక్రమాలను పూర్తి చేసుకుని విడుదలకు రెడీ అయ్యింది. ఈ చిత్రాన్ని చూసిన సెన్సార్ బోర్డు సభ్యులు.. సుకుమార్ దర్శకత్వంతో వస్తున్న ఈ చిత్రానికి యూ/ఎ సర్టిఫికెట్ జారీ చేశారు. ఈ విషయాన్ని ఈ చిత్రాన్ని నిర్మాణ సంస్థ మైత్రి మూవీ మేకర్స్ సోషల్ మీడియాలో పోస్టు చేసి.. మెగా అభిమానులతో విషయాన్ని పంచుకుంది.

పంచ వ్యాప్తంగా ‘రంగస్థలం’ విడుదలకు ఇప్పటికే సన్నాహాలు జరిగిపోయాయి. అయితే ఇది తన కెరీర్ లోనే అత్యుత్తమ చిత్రమని రామ్ చరణ్ తేజ చెప్పడంతో.. ఈ చిత్రంపై ఇప్పటికే భారీ అంచనాలు నెలకోన్నాయి. ఇక దీనికి తోడుగా ఎస్ఎస్ రాజమౌలి కూడా టీజర్ తో చిట్టబ్బాయి తనకు మరింత దెగ్గరయ్యాడని ట్విట్ చేయడంతో అభిమానుల్లో మరింత అంచనాలు పెరిగాయి. ఈ చిత్రంలో విలక్షణ పాత్ర పోషిస్తున్న రామ్ చరణ్ సరసన సమంత నటిస్తోంది. ప్రముఖ నటులు ప్రకాష్ రాజ్, జగపతిబాబు , అనసూయ, అది పినిశెట్టి ప్రధాన పాత్రల్లో నటిస్తున్న ఈ చిత్రానికి దేవీశ్రీ ప్రసాద్ సంగీతం అందించాడు.