ITEMVIDEOS: రంగస్థలం టైటిల్ సాంగ్ లో అదరగొట్టిన చరణ్

Posted: 03/20/2018 06:08 PM IST

మెగా పవర్ స్టార్ రామ్ చరణ్ తేజ్ తన కెరీర్ లోనే తాను నటించిన అత్యుత్తమ చిత్రంగా రంగస్థలం నిలిచిపోతుందని ప్రకటనను వెలువరించగానే మెగాఅభిమానుల్లో పెరిగిన భారీ అంచనాలు.. ఇవాళ చిత్రానికి సంబంధించిన టైటిల్ సాంగ్ ప్రోమోను చిత్ర యూనిట్ విడుదల చేయగానే.. వాటంతట అవే అనేక రెట్టు పెరిగిపోయాయని చెప్పడంలో అతిశయోక్తి లేదు. రాంచరణ్ డిఫరెంట్ లుక్ తో ప్రేక్షకుల ముందుకు అవిష్కృతం కానున్నాడు.

సుకుమార్ దర్శకత్వంలో విభిన్నంగా రూపోందుతున్న ఈ సినిమా ఇప్పటికే దాదాపుగా అన్ని పోస్టు ప్రోడక్షన్ పనులతో పాటు రీరికార్డింగ్ పనులను ముగించుకుని ఈ నెల 30న ప్రేక్షకుల ముందుకు రానుంది. ఈ నేపథ్యంలో ఇవాళ సాయంత్రం ఈ సినిమాకు సంబంధించిన టైటిల్ సాంగ్ 'రంగ రంగ రంగస్థలాన' అంటూ సాగే పాట ప్రోమోను రిలీజ్ చేశారు. గ్రామీణ నేపథ్యంలో గ్రామస్థులతో కలిసి డాన్స్ చేస్తూ చరణ్ ఈ పాటలో అదరగోట్టాడు.

పల్లెలోని సఖ్యతకీ .. సంతోషానికి .. సంబరానికి ఈ పాట అద్దం పడుతోంది. సంగీతం .. సాహిత్యం .. నృత్యం సమపాళ్లలో కనిపిస్తూ కనువిందు చేస్తున్నాయి. దేవిశ్రీ స్వరపరిచిన ఈ బాణీ .. ఆయనకి మరిన్ని మార్కులు తెచ్చిపెట్టడం ఖాయమని చెప్పొచ్చు. ఈ సాంగ్ ప్రోమో చూసిన తరువాత, ఈ సినిమా హిట్ పై అభిమానుల నమ్మకం మరింతగా పెరిగే అవకాశం ఉందని చెప్పడంలో ఎలాంటి సందేహం లేదు.