పవన్ కోసం దేనికైనా రెడీ అంటున్న బ్యూటీ..

Posted: 03/20/2018 10:54 AM IST

ప్రముఖ సినీ నటుడు, జనేసేన అధినేత, పవర్ స్టార్ పవన్ కల్యాన్ తో సమాజ సేవ చేసేందుకు అసక్తి కనబరుస్తుంది మరో వెండితెర నటి. గతంలో ప్రత్యేక హోదా కోసం విశాఖకు తరలిరావాలన్న జనసేన పిలుకు స్పందించిన ఎందరో నటులు స్పందించి కదిలిన విషయం తెలిసిందే. తాజాగా ‘నచ్చావులే’ సినిమాతో తెలుగుతెరకు పరిచయమైన మాధవీలత.. జనసేన అధినేతకు మద్దతు ప్రకటించింది.

తన ఫేస్ బుక్ ద్వారా పవన్ కల్యాన్ కు మద్దతు తెలుపుతూ.. జనసేనానితో కలసి సమాజ సేవ చేయాలని వుంది, సమాజ సేవ అంటే తనకు చాలా ఇష్టమని కూడా చెప్పింది. ఇక పవన్ అంటే తనకు ప్రేమ అని గత పదేళ్లుగా ప్రతీ ఇంటర్వ్యూలో చెబుతున్నాని పేర్కొనింది. తనకు సమాజసేవ అంటే చాలా ఇష్టమని చెప్పుకోచ్చిన మాధవిలత.. సమాజసేవలో భాగంగానే తాను ‘నక్షత్ర ఫౌండేషన్‌‌’ను ప్రారంభించానని కూడా తన ఫేస్ బుక్ పోస్టులో పేర్కొంది.

అయితే సరైన సహకారం లభించక.. ఫండింగ్స్ లేక ప్రస్తుతం తన నక్షత్ర ఫౌండేషన్ సేవలకు బ్రేక్ ఇచ్చానని పేర్కొనింది. కానీ, సేవ చేయాలనే ఆశ మాత్రం చావలేదు.  పవన్ అంటే నాకు అంత ఇష్టం ఉన్నప్పుడు. ఒక వ్యక్తిగా ఆయనే ‘జనసేన’ పార్టీ స్థాపించినప్పుడు.. ఆయనను అభిమానించే తాను ఎందుకు సపోర్టు చేయకూడదు? అని ప్రశ్నించారు. పవన్ కోసం నేను దేనికైనా రెడీ" అంటూ ఫేస్ బుక్ లో మాధవీలత పెట్టిన కామెంట్ ఇప్పుడు నెట్టింట వైరల్ గా మారుతుంది.