చిట్టిబాబుపై రాజమౌళి హత్తుకునే వ్యాఖ్యలు వైరల్..

Posted: 03/19/2018 03:45 PM IST

తన ట్విట్లతో హృదయ కాలేయం చిత్రాన్ని సూపర్ హిట్ గా మార్చిన ఘనత వున్న దర్శకుడు ఎస్ఎస్ రాజమౌళి. ఇక అప్పట్నించి ఆయన ఏ చిత్రం చూసైనా ట్విట్ చేశారు అంటే.. ఆ చిత్రానికి విఫరీతంగా ఫాలోయింగ్ పెరిగిపోతుంది. అలాంటి రాజమౌళి.. చిట్టిబాబు విషయంలో మాత్రం తన మనస్సుకు మరింత, మరింత చేరువవుతున్నాడని వ్యాఖ్యలు చేయడం రంగస్థలం చిత్రంపై ఇప్పటికే పెరిగిన అభిమానుల అశలను మరింత పెంచేలా చేశాయి.

'రంగస్థలం' ప్రీ రిలీజ్ ఈవెంట్ ను చూసిన దర్శక దిగ్గజం రాజమౌళి స్పందించారు. ఈ మేరకు తన ట్విట్టర్ ఖాతాలో ఓ పోస్టు పెడుతూ, చిట్టిబాబు తన మనస్సుకు మరింత, మరింత చేరువయ్యాడని, ఈ ట్రైలర్ చూసిన తరువాత అతనిపై తనకున్న ఆప్యాయత ఎంతగానో పెరిగిందని అన్నారు. జగపతి బాబు పాత్ర కూడా బాగుందని, ఈ సినిమా రిలీజ్ కోసం తాను ఎంతగానో ఎదురు చూస్తున్నానని చెప్పుకొచ్చారు. రాజమౌళి ట్వీట్ నెట్టింట వైరల్ అవుతుండగా, వేల మంది లైక్స్ కొడుతున్నారు.