అర్జున్ రెడ్డి రీమేక్ లో గౌతమి కూతురు?

Posted: 03/12/2018 05:55 PM IST

తెలుగులో సంచలన విజయాన్ని సాధించిన 'అర్జున్ రెడ్డి' సినిమాను తమిళంలో వర్మ పేరుతో రీమేక్ చేస్తున్నారు. ఇందులో చియాన్ విక్రమ్ తనయుడు 'ధృవ్' హీరోగా పరిచయం కాబోతున్నాడు.

బాల దర్శకత్వం కావటంతో ఈ చిత్రంపై తమిళంలో భారీ అంచనాలే ఉన్నాయి. ఈ సినిమా యూనిట్ గెడ్డంతో వున్న ధృవ్ లుక్ ను ఇటీవల రిలీజ్ చేసింది. దాంతో కథానాయికగా ఎవరిని తీసుకోనున్నారా అనే ఆసక్తి అందరిలో మొదలైంది.

ఈ నేపథ్యంలో పలువురి పేర్లు వినిపించగా.. ఇప్పుడు తెరపైకి గౌతమి కూతురు సుబ్బులక్ష్మి పేరు వచ్చింది. గౌతమికి మొదటి భర్త వలన కలిగిన సంతానమే సుబ్బులక్ష్మి. కమలహాసన్ కి దూరమైన గౌతమి, కొంతకాలం నుంచి తన కూతురును కథానాయికగా చేయడానికి రంగంలోకి దిగింది. ఈ క్రమంలోనే ధృవ్ జోడీగా సుబ్బులక్ష్మిని రికమండ్ చేసేందుకు గట్టి ప్రయత్నాలే చేస్తోందంట. మరి ఈ వార్తలో నిజమెంతో తెలియాలంటే కొద్ది రోజులు ఆగాలి.