సుయి ధాగలో అనుష్క లుక్కు ఎలా ఉందంటే...

Posted: 03/01/2018 05:25 PM IST

First look released by the makers of sui dhaaga

ఈ ఫొటోలోని బాలీవుడ్ హీరోయిన్‌ని గుర్తు పట్టాగలరా? కాస్త నిశితంగా పరిశీలిస్తే ఆమె అనుష్క శర్మ అన్న విషయం ఈజీగా తెలిసిపోతుంది. ప్రస్తుతం ఆమె 'సూయి ధాగా' సినిమాలో నటిస్తోంది. వరుణ్ ధావన్ ఇందులో హీరో. అందులో క్యారెక్టర్ కోసం ఈ లుక్కులోకి మారిపోయిందన్న మాట.

పెళ్లయ్యాక కెరీర్ ను వేగవంతం చేసేసిన అనుష్క ఇప్పుడు పరి, సూయి ధాగతో మన ముందుకు రాబోతోంది. ఒకటి హర్రర్ థ్రిల్లర్ అయితే మరొకటి గ్రామీణ నేపథ్యం ఉన్న సినిమా. మొదటి దాంట్లో మోడ్రన్ పాత్రే అయినా దెయ్యం లుక్కులో దారుణంగా కనిపించగా.. రెండో చిత్రంలో కాటన్ చీర, చేతికి మట్టి గాజులతో విలేజ్ గర్ల్ గా దర్శనమిస్తోంది.

మొత్తానికి కుర్రాళ్లకు నిద్రపట్టకుండా చేసిన అనుష్క ఇప్పుడిలా అభిమానులు గుర్తు పట్టలేనంతగా ఉంది. ఫస్ట్‌లుక్‌తోనే అభిమానులు, అందరి దృష్టినీ అనుష్క ఆకర్షించింది. వైవిధ్యభరితమైన పాత్రలను ఎంచుకుంటూ కెరీర్ ను ముందుకు తీసుకెళ్తున్న అనుష్క ను చూస్తే ఎవరికైనా ముచ్చటేయాల్సిందే!