సైరా సెకండ్ షెడ్యూల్ అప్పటి నుంచే...

Posted: 02/27/2018 05:58 PM IST

స్టైలిష్ దర్శకుడు సురేందర్ రెడ్డి దర్శకత్వంలో మెగాస్టార్ చిరంజీవి హీరోగా 'సైరా' సినిమా రూపొందుతోంది. రామ్ చరణ్ నిర్మాతగా వ్యవహరిస్తోన్న ఈ సినిమా మొదటి షెడ్యూల్ ఇంతకుముందే పూర్తయింది. రెండవ షెడ్యూల్ షూటింగ్ ఈ పాటికే మొదలుకావలసి వుంది.

అయితే సినిమాటోగ్రఫర్ రత్నవేలు .. 'రంగస్థలం' సినిమాకు సంబంధించిన కొన్ని సన్నివేశాల రీ-షూట్ లో బిజీగా ఉండటంతో, 'సైరా' షెడ్యూల్ ఆలస్యమైంది. ఈ క్రమంలో మార్చి 5వ తేదీ నుంచి రెండవ షెడ్యూల్ మొదలు కానుందనేది తాజా సమాచారం.

చిరుతోపాటు.. నయనతార .. అమితాబ్ తదితరులపై కొన్ని కీలకమైన సన్నివేశాలను హైదరాబాద్ లో చిత్రీకరించనున్నారు. ఈ సినిమాకి సంగీత దర్శకుడి పేరు ఇంకా ఖరారు కావాల్సి ఉంది. జగపతిబాబు .. విజయ్ సేతుపతి .. సుదీప్ కూడా ఈ సినిమాలో ముఖ్యమైన పాత్రలను పోషిస్తున్నారు. వచ్చే ఏడాది చిత్రం విడుదల కానుంది.