హీరో అవతారంలో విజయ్ జేసుదాసు

Posted: 01/31/2018 03:06 PM IST

లెజెండరీ సింగర్ యేసుదాసు తనయుడు విజ‌య్ యేసుదాసు ఇంతకాలం మనకు సింగర్ గానే పరియం. తొలిసారిగా అతను హీరో అవతారం ఎత్తాడు. ‘ప‌డైవీర‌న్‌’ పేరుతో ధనా దర్శకత్వంలో తెరెక్కిస్తున్న చిత్రం ద్వారా హీరోగా పరిచయం అవుతున్నాడు. ఈ చిత్రానికి సంబంధించిన ట్రైల‌ర్ విడుద‌లైంది.

ఓ విలేజ్ బ్యాక్ డ్రాప్ తో కథ తెరకెక్కింది. పని పాట లేకుండా తిరిగే ఓ కుర్రాడు పోలీస్ కావాలని కలలు కంటాడు. తీరా అంతా జరిగి ట్రెయినింగ్ అయ్యాక దొంగలు ఎక్కువగా ఉండే ఓ గ్రామానికి డ్యూటీ మీద వెళ్తాడు. అక్కడి మనుషులు పోలీసులను నిర్దాక్షిణ్యంగా చంపుతుంటారు. మరి వాళ్ల ఆటను హీరో ఎలా కట్టించాడు అన్న కథతోనే ఈ చిత్రం తెరకెక్కింది. సీనియర్ నటుడు, దర్శకుడు భారతీ రాజా ఓ కీలక పాత్ర చేస్తున్నాడు. ఆయన పాత్రను ధనా చాలా చలాకీగా తీర్చి దిద్దాడు. హీరోయిన్ అమృత కూడా చాలా క్యూట్ గా ఉంది.

ఈ ట్రైలర్ గా పలువురు ప్రశంసలు కురిపిస్తున్నారు. కార్తీక్ రాజా మ్యూజిక్ అందించిన ఈ చిత్రం ఫిబ్ర‌వ‌రి 2న ఈ చిత్రం విడుద‌ల‌కాబోతోంది.