పాంబన్ తో షాకిచ్చిన శరత్ కుమార్

Posted: 01/31/2018 02:16 PM IST

సీనియర్ నటుడు శరత్ కుమార్ రీఎంట్రీలోనూ వైవిధ్యభరితమైన కథలను ఎంచుకుంటున్నారు. సహయక పాత్రలతోపాటు ఇప్పుడు సోలో హీరోగా ఆయన ఓ సినిమా చేయబోతున్నాడు. పాంబన్ పేరుతో తెరకెక్కబోతున్న ఆ చిత్ర పోస్టర్లు ఇప్పుడు వైరల్ అవుతున్నాయి.

ఈ చిత్రంలో ఆయన స్నేక్ మ్యాన్ అంటే సగ భాగం మనిషి.. సగ భాషం పాము రూపంలో కనిపించబోతున్నాడు. మరో పోస్టర్ లో స్వామి గెటప్ లో ఉండి చేతిలో నాగ దండం పట్టుకుని కనిిపించాడు. వెంకటేష్ డైరెక్షన్ లో తెరకెక్కించబోతున్న ఈ చిత్ర షూటింగ్ ఈ రోజే ప్రారంభమైంది. తన కెరీర్ లోనే తొలి సారిగా అత్యంత భారీ బడ్జెట్ చిత్రంలో శరత్ కుమార్ నటించబోతున్నారు. ఫుల్ ఫాంటసీ మూవీగా తెరకెక్కబోయే "పాంబన్" పోస్టర్స్ ని చూస్తుంటే ఓ పెద్ద ప్రయోగమే చేస్తున్నట్లు తెలుస్తోంది.

శ్రీకాంత్ దేవా సంగీతం అందిస్తున్న ఈ చిత్రాన్ని ఎస్ ఎస్ కే ప్రొడక్షన్స్ వారు నిర్మిస్తున్నారు. సినిమాను వీలైనంత త్వరగా పూర్తి చేసి ఈ ఏడాది ఎండింగ్ లో రిలీజ్ చేసేందుకు చిత్ర యూనిట్ ప్లాన్ చేస్తోంది. ప్రస్తుతం ఆయన భరత్ అనే నేను, సాక్ష్యం చిత్రాల్లో కూడా నటిస్తున్నారు.

Shooting begins soon for ‘Paamban’ produced by SSK Productions, directed by A Venkatesh and music by Srikanth Deva. Songs recording begins today. pic.twitter.com/OzSWxUzov8

— R Sarath Kumar (@realsarathkumar) January 31, 2018