ఐష్, ఆరాధ్య గురించి అభిషేక్

Posted: 01/30/2018 04:31 PM IST

Abhishek bachchan about aish and aaradhya

దాదాపు రెండేళ్లపాటు సినిమాలకు దూరంగా ఉన్న అభిషేక్ బచ్చన్ తిరిగి మేకప్ వేసుకోబోతున్నాడు. మన్మర్జియా చిత్రం షూటింగ్ లో పాల్గొనబోతున్నాడు. అనురాగ్‌ కశ్యప్‌ దర్శకత్వం వహించనున్న ఈ సినిమాలో తాప్సీ, విక్కీ కుషాల్‌ ముఖ్య తారలుగా నటించనున్నారు. ఈ సినిమాను దర్శకుడు ఆనంద్‌ ఎల్‌. రాయ్‌ నిర్మించనున్నాడు. ఈ నేపథ్యంలో ఓ ఇంటర్వ్యూలో పాల్గొన్న జూనియర్ బచ్చన్ ఫ్యామిలీ విషయాలను వెల్లడించాడు.

ఈ రెండేళ్లు కుటుంబంతో గడపటం చాలా సంతోషానిచ్చింది. ముఖ్యంగా తన కుమార్తె ఆరాధ్యతో. ఇంట్లో ఉన్నంతసేపు తన కూతురు ఆటలాడుతూనే ఉంటుంది అని అభిషేక్ వెల్లడించాడు. ప్రధానంగా ఆటలు పిల్లలకు ఎంతో మేలు చేస్తాయని.. తన కుమార్తెకు అన్ని ఆటలు ఇష్టమేనని చెప్పాడు. సినిమా ఫీల్డ్ కాకుండా.. ఆమె క్రీడను ఎంచుకున్నా తనకు ఇష్టమేనని అభిషేక్ తెలిపాడు. పిల్లల మనసుకు ఏది నచ్చితే అది చెయ్యనివ్వాలని పేరెంట్స్ కు సూచించాడు.

ఇక ఐష్ ను సూపర్ మామ్ గా అభివర్ణంచిన అభిషేక్.. వారి దాంపత్య జీవితం గురించి వచ్చిన వార్తలపై అసంతృప్తి వ్యక్తం చేశాడు. ‘‘మా వ్యక్తిగత జీవితాలపై ఎలా పడితే అలా వార్తలు రాసేశారు. అయినా మేం వాటిని పెద్దగా పట్టించుకోలేదు. కానీ, పాప పుట్టాక ఐష్ లావుగా మారటంపై కొన్ని కథనాలు వెలువడ్డాయి. అలాంటి కథనాలు ఎలా రాస్తారో అర్థంకాదు. ఐష్ తన లైఫ్ లో జిమ్ ముఖం చూడలేదంటే మీరు నమ్ముతారా? కానీ, అదే నిజం. ధూమ్-2 షూటింగ్ టైంలో బలవంతపెడితే ఒక్కసారి తాను జిమ్ కు వచ్చిందే తప్ప.. ఆమె ఏనాడూ జిమ్ ముఖం ఎరుగదు అంటూ తమ మధ్య మనస్పర్థల అంటూ వచ్చిన పుకార్లకు ఫుల్ స్టాప్ పెట్టేశాడు.