టచ్ చేసి చూడుకు వక్కంతం వంశీ కథ

Posted: 01/19/2018 05:17 PM IST

విక్రమ్ సిరికొండ దర్శకత్వంలో రవితేజ హీరోగా 'టచ్ చేసి చూడు' సినిమా తెరకెక్కింది. రాశిఖన్నా, సీరత్ కపూర్ లు హీరోయిన్ గా నటించిన ఈ చిత్రంలో మాస్ రాజా పోలీసాఫీసర్ పాత్రలో కనిపించబోతున్నాడు. ఈ చిత్ర ప్రమోషన్ లు ప్రారంభించగా.. వివరాలను దర్శకుడు విక్రమ్ వివరించాడు. చాలాకాలం నుంచి స్క్రిప్ట్ విభాగంలో పనిచేస్తూ వస్తోన్న తనకి, ఈ సినిమాతో దర్శకుడిగా అవకాశం లభించిందని సంతోషం వ్యక్తం చేశాడు.

ఆసక్తికరమైన విషయం ఏంటంటే.. ఈ సినిమాకి వక్కంతం వంశీ కథను అందించాడటం. ఆ కథను వినిపించగానే రవితేజ వెంటనే గ్రీన్ సిగ్నల్ ఇచ్చాడని విక్రమ్ చెప్పుకొచ్చాడు. సాధారణంగానే పవర్ ఫుల్ కథలను అందించే వంశీ, పోలీస్ కథలంటే మరీ ప్రత్యేకంగా శ్రద్ధ వహిస్తుంటాడు. ఆ లెక్కన్న పవర్ ఫుల్ కథనే అందించాడని విక్రమ్ తెలిపాడు.

ఇక హీరోయిన్ల గ్లామర్ సినిమాకు ప్రత్యేక ఆకర్షణగా నిలుస్తుందని.. ప్రీతమ్ సంగీతం యూత్ ను విపరీతంగా ఆకట్టుకుంటుందనే నమ్మకం ఉందని చెప్పారు. ఈ సినిమా తమకి తప్పకుండా హిట్ ను ఇస్తుందనే నమ్మకం ఉందని వ్యక్తం చేశారు. ఫిబ్రవరి 2న టచ్ చేసి చూడు రిలీజ్ కాబోతుంది.